ရုရှားနိုင်ငံဟာ အသုံးပြုသူ သန်း ၁၀၀ ကျော်ရှိတဲ့ ကမ္ဘာ့လူသုံးအများဆုံး WhatsApp ကို တစ်နိုင်ငံလုံးအတိုင်းအတာနဲ့ ပိတ်ပင်

—

by

Aung MyoMyat
in

ရုရှားနိုင်ငံဟာ အသုံးပြုသူ သန်း ၁၀၀ ကျော်ရှိတဲ့ ကမ္ဘာ့လူသုံးအများဆုံး WhatsApp ကို တစ်နိုင်ငံလုံးအတိုင်းအတာနဲ့ လုံးဝပိတ်ပင်လိုက်ပြီဖြစ်ပါတယ်။

ရုရှားအစိုးရ (ကရင်မလင်) ရဲ့ ထုတ်ပြန်ချက်အရ Meta ကုမ္ပဏီဟာ ငွေလိမ်လည်မှုနဲ့ အကြမ်းဖက်မှု တိုက်ဖျက်ရေးအတွက် အချက်အလက်မျှဝေဖို့ ဒေသတွင်းဥပဒေတွေကို လိုက်နာဖို့ ငြင်းဆန်ခဲ့တာကြောင့် အခုလို ပိတ်ပင်ရတာလို့ ဆိုပါတယ်။

MAX Messenger ကို အစိုးရပြောရေးဆိုခွင့်ရှိသူက WhatsApp အစား အစိုးရကျောထောက်နောက်ခံပြုထားတဲ့ MAX အက်ပ်ကို ပြောင်းသုံးဖို့ တိုက်တွန်းနေပါတယ်။ ဒါပေမဲ့ ဝေဖန်သူတွေကတော့ ဒီအက်ပ်ဟာ နိုင်ငံသားတွေကို ထောက်လှမ်းဖို့ ဖန်တီးထားတဲ့ ကိရိယာတစ်ခုလို့ စွပ်စွဲနေကြပြီး အာဏာပိုင်တွေကတော့ ဒါကို ငြင်းဆိုထားပါတယ်။

ဒီပိတ်ပင်မှုဟာ ပြီးခဲ့တဲ့ ၆ လအတွင်း ဖိအားပေးမှုတွေရဲ့ နောက်ဆုံးရလဒ်ဖြစ်ပြီး ရုရှားအနေနဲ့ နိုင်ငံတွင်း ဆက်သွယ်ရေးကွန်ရက်တစ်ခုလုံးကို စစ်ပွဲကာလအတွင်း အပြည့်အဝ ထိန်းချုပ်နိုင်ဖို့ ကြိုးစားလာတာလည်း ဖြစ်ပါတယ်။

WhatsApp ဘက်ကတော့ ဒါဟာ အသုံးပြုသူတွေရဲ့ လုံခြုံရေးကို ခြိမ်းခြောက်တဲ့ “နောက်ပြန်ဆွဲတဲ့ လုပ်ရပ်” ဖြစ်တယ်လို့ တုံ့ပြန်ခဲ့ပါတယ်။

လတ်တလောမှာတော့ ရုရှားနိုင်ငံသားအချို့ဟာ MAX ကို ပြောင်းသုံးတာ ဒါမှမဟုတ် VPN တွေ သုံးပြီး ဆက်သွယ်နေကြသလို၊ အင်တာနက် လွတ်လပ်ခွင့်အတွက် လှုပ်ရှားသူတွေကတော့ အစိုးရရဲ့ ကန့်သတ်ချက်တွေကို ဆန့်ကျင်ကန့်ကွက်မှုတွေ လုပ်ဆောင်နေကြပါတယ်။

Latest