Apple ပရိသတ်များအတွက် သတင်းထူး

Apple ပရိသတ်များအတွက် သတင်းထူး! iPhone 18 ထုတ်ဝေမည့် အချိန်ဇယား ကြီးမားစွာ ပြောင်းလဲနိုင်

Apple ရဲ့ ထိပ်တန်း လေ့လာသုံးသပ်သူ Ming-Chi Kuo အပါအဝင် ယုံကြည်ရတဲ့ သတင်းရင်းမြစ်များစွာရဲ့ ပြောကြားချက်အရ Apple ဟာ လာမယ့်နှစ်ကစပြီး iPhone ထုတ်ဝေမှု ပုံစံကို ကြီးမားတဲ့ ပြောင်းလဲမှု ပြုလုပ်ဖို့ စီစဉ်နေတယ်လို့ သိရပါတယ်။

ပုံမှန်အတိုင်း စက်တင်ဘာလမှာ iPhone အားလုံးကို တစ်ကြိမ်တည်း မိတ်ဆက်တာမျိုး မဟုတ်တော့ဘဲ၊ iPhone 18 မျိုးဆက်ကို နှစ်ပိုင်းခွဲပြီး ဖြန့်ချိသွားနိုင်ခြေရှိနေပါတယ်။

ပထမအဆင့် (၂၀၂၆ ခုနှစ်၊ စက်တင်ဘာလဝန်းကျင်)
ပထမပိုင်းမှာ Premium အဆင့်မြင့် flagship မော်ဒယ်များကို ထုတ်ဝေမှာဖြစ်ပြီး၊ ရည်ရွယ်ချက်ကတော့ စျေးကွက်ထဲမှာ အခြားပြိုင်ဘက်များနဲ့ ယှဥ်ပြိုင်ဖို့နဲ့ Apple ရဲ့ နည်းပညာ အသစ်များကို ဦးစားပေးပြသဖို့ ဖြစ်ပါတယ်။

iPhone 18 Pro
iPhone 18 Pro Max
iPhone Fold (ခေါက်လို့ရတဲ့ iPhone အသစ်)
iPhone 18 Slim သို့မဟုတ် iPhone Air ကဲ့သို့ အသစ်ထပ်တိုးမော်ဒယ်များ ပါဝင်နိုင်ပါသည်။

ဒုတိယအဆင့် (၂၀၂၇ ခုနှစ်၊ မတ်လဝန်းကျင်)

ဒုတိယပိုင်းမှာတော့ စျေးနှုန်းသက်သာတဲ့ Standard မော်ဒယ်များကို ခြောက်လခန့်အကြာမှာ ထုတ်ဝေလာဖို့ မျှော်မှန်းရပါတယ်။

iPhone 18 (Standard မော်ဒယ်)
iPhone 18e (စျေးသက်သာသော မော်ဒယ် သို့မဟုတ် iPhone SE ရဲ့ နောက်ဆက်တွဲ)

Kuo ရဲ့ သုံးသပ်ချက်အရ Apple ဟာ ဒီလို နှစ်ပိုင်းခွဲ ဖြန့်ချိတဲ့ မဟာဗျူဟာကို ပြောင်းလဲဖို့ စဥ်းစားရတဲ့ အဓိကအကြောင်းရင်းကတော့ ..

ပြိုင်ဘက် Android ဖုန်းထုတ်လုပ်သူများဟာ တစ်နှစ်ရဲ့ ပထမပိုင်းမှာ flagship အသစ်တွေကို ထုတ်လေ့ရှိတဲ့အတွက် Apple အနေနဲ့ တစ်နှစ်ပတ်လုံး ဈေးကွက်မှာ ဆက်လက် အားကောင်းနေစေဖို့နှစ်ပိုင်းခွဲ မိတ်ဆက်တာဖြစ်ပါတယ်။

iPhone မော်ဒယ်လိုင်းတွေ ပိုများလာတဲ့အတွက် (ဥပမာ- ခေါက်နိုင်သော iPhone အသစ်) မော်ဒယ်အားလုံးကို စက်တင်ဘာလ တစ်ချိန်တည်းမှာ မိတ်ဆက်ခြင်းက Marketing ရဲ့ အာရုံစိုက်မှုကို ပြန့်ကျဲစေနိုင်တဲ့အတွက် ဖြစ်ပါတယ်။

ဒီလို ပြောင်းလဲမှုဟာ Apple ရဲ့ နှစ်စဥ် iPhone ထုတ်ဝေတဲ့ ရိုးရာအစဥ်အလာကို ကြီးမားတဲ့ အပြောင်းအလဲ ဖြစ်စေမှာဖြစ်ပြီး၊ ပရိသတ်တွေအတွက်တော့ တစ်နှစ်လုံးမှာ iPhone အသစ်တွေကို မျှော်လင့်စရာတွေ ပိုရှိလာစေမှာ ဖြစ်ပါတယ်။