iPhone ကိုင်ထားပြီး Security Code အတွက် Authentication App တစ်ခုရှာနေတယ်ဆိုရင်

—

by

Aung MyoMyat
in

အကယ်၍ သင်က iPhone ကိုင်ထားပြီး Security Code အတွက် Authentication App တစ်ခုရှာနေတယ်ဆိုရင် ထပ်ရှာနေစရာမလိုဘူးပါဘူး။ အကောင်းဆုံးအရာက သင့်ရဲ့လက်ထဲမှာရှိပြီးသားပါပဲ! Apple ရဲ့ Built-in Passwords App ထဲက “Code” ဆိုတဲ့အပိုင်းမှာ 2FA Code တွေကို အလွယ်တကူရယူသုံးလို့ရပါတယ်။

Passwords App က Password Manager တစ်ခုဖြစ်တာမလို့ သင့်ရဲ့စကားဝှက်တွေကို သိမ်းထားလို့ရပါတယ်။ ဒါတင်မကဘူး၊ Authentication Code တွေကို ဘယ် Password Auto-Fill အကောင့်နဲ့ ချိတ်ဆက်မလဲဆိုတာပါ ရွေးချယ်လို့ရပါတယ်။ တခြား App တွေလို Code ထုတ်ဖို့တင်မဟုတ်ဘူး၊ ပိုစွမ်းဆောင်ရည်မြင့်ပါတယ်။ Apple ဆိုတဲ့အတိုင်း Seamless ဖြစ်တာကတော့ ထည့်ပြောစရာတောင်မလိုပါဘူး။

အားသာချက်တွေ ✅

  • Apple Ecosystem ထဲမှာဆိုရင် အကုန်လုံးအဆင်ပြေတယ်။ iCloud အကောင့်တစ်ခုတည်းနဲ့ ဘယ် Apple Device မှာဖြစ်ဖြစ် Sync လုပ်လိုက်ရုံပဲ၊ Password Auto-Fill ပါ သုံးလို့ရသေးတယ်။
  • iPhone ပျောက်သွားရင်တောင် စိတ်ပူစရာမလိုဘူး။ တခြား Apple Device မှာ iCloud အကောင့်နဲ့ ဆက်သုံးလို့ရတယ်။ Authentication Code တွေလည်း ပျောက်မသွားဘူး။ Security အတွက်ဆိုလည်း Find My ကနေ iPhone ကို Lock လုပ်လိုက်ရင် ပြီးပြီ။

အားနည်းချက်တွေ ❌

  • သင့်မှာ iPhone ဒါမှမဟုတ် Apple Device တစ်ခုခုတော့ လိုမယ်။ Passwords App က Apple Device တွေမှာပဲ ရတာမလို့ပါ။
  • iPhone နဲ့ Android ဒါမှမဟုတ် iPhone နဲ့ Windows Laptop တွဲသုံးနေတယ်ဆိုရင် ဒီအက်ပ်က Apple Device ပေါ်မှာပဲအလုပ်လုပ်တာမို့ နည်းနည်းတော့ အဆင်မပြေနိုင်ဘူး။
  • iCloud အကောင့်ကို တခြား Apple Device တစ်ခုထဲမှာ ထည့်ထားတာ ပိုစိတ်ချရတယ်။ ဖုန်းမတော်တဆပျောက်သွားရင် အကောင့်ကို ဆက်လက်အသုံးပြုလို့ရဖို့ပါ။

တခြား App အကြံပြုပေးပါဦး ဆိုရင်တော့ ကျွန်တော်အကြိုက်ဆုံးက Google Authenticator ပါပဲ။ ဒါပေမယ့် Gmail အကောင့်ကနေ Backup လုပ်ရတာမလို့ သင့်ရဲ့ Gmail အကောင့်ကို လုံခြုံအောင် ထားဖို့တော့ လိုမယ်နော်။

Latest