စာသင်ခန်းထဲက စမတ်ဖုန်းအသုံးပြုမှုကို ကန့်သတ်လိုက်တဲ့ ဘန်ကောက်မြို့က စာသင်ကျောင်းများ

—

by

Aung MyoMyat
in

စာသင်ခန်းထဲက စမတ်ဖုန်းအသုံးပြုမှုကို ကန့်သတ်လိုက်တဲ့ ဘန်ကောက်မြို့က စာသင်ကျောင်းများ


လာမယ့် ပညာသင်နှစ်အသစ်ကစပြီး ဘန်ကောက်မြို့တော် စည်ပင်သာယာရေးအဖွဲ့လက်အောက်မှာရှိတဲ့ စာသင်ကျောင်းပေါင်း ၄၀၀ ကျော်မှာ ကျောင်းသားတွေရဲ့ စမတ်ဖုန်းနဲ့ အီလက်ထရောနစ်ပစ္စည်း အသုံးပြုမှုကို စတင်ကန့်သတ်တော့မှာ ဖြစ်ပါတယ်။ ဒီခြေလှမ်းဟာ ကျောင်းသားတွေအနေနဲ့ သင်ခန်းစာတွေအပေါ်မှာ ပိုမိုအာရုံစိုက်နိုင်စေဖို့နဲ့ ဖုန်းစွဲလမ်းမှုကို လျှော့ချနိုင်ဖို့အတွက် ရည်ရွယ်တာပါ။

ဒီစည်းကမ်းချက်ဟာ ဖုန်းအသုံးပြုမှုကို လုံးဝပိတ်ပင်လိုက်တာမျိုးမဟုတ်ဘဲ ပညာရေးအတွက် တကယ်လိုအပ်တဲ့ နေရာမျိုးတွေမှာတော့ စနစ်တကျ ခွင့်ပြုပေးသွားမှာ ဖြစ်ပါတယ်။ ဒါ့အပြင် ကျောင်းသားတွေကြားထဲမှာ ဖြစ်ပွားတတ်တဲ့ ဆိုင်ဘာအနိုင်ကျင့်မှု (Cyberbullying) တွေနဲ့ အွန်လိုင်းပေါ်က မသင့်တော်တဲ့ အကြောင်းအရာတွေကနေ ကလေးတွေကို ကာကွယ်ပေးနိုင်ဖို့အတွက်လည်း အခုလို တင်းကြပ်လိုက်တာ ဖြစ်ပါတယ်။

လက်ရှိမှာတော့ ဒီစည်းကမ်းသစ်ကို အထိရောက်ဆုံးဖြစ်အောင် ဘယ်လိုပုံစံနဲ့ အကောင်အထည်ဖော်မလဲဆိုတာကို ဆရာ၊ မိဘနဲ့ ကျောင်းသားတွေကြားထဲမှာ ညှိနှိုင်းဆွေးနွေးမှုတွေ ပြုလုပ်နေပါတယ်။ နည်းပညာကို အကျိုးရှိရှိ အသုံးချတတ်စေဖို့နဲ့ ကျောင်းသားလူငယ်တွေရဲ့ ပညာရေးပတ်ဝန်းကျင်ကို ပိုမိုကောင်းမွန်အောင် ဖန်တီးပေးလိုက်တဲ့ ထူးခြားတဲ့ ခြေလှမ်းတစ်ခုပဲ ဖြစ်ပါတယ်။

Latest