Myeongdong Daiso

ဆိုးလ်မှာရှိတဲ့ Myeongdong ကတော့ ဈေးဝယ်ထွက်လို့ကောင်းကြောင်း နာမည်ကြီးတာအပြင် Myeongdong မှာရှိတဲ့ Daiso ဆိုင်ခွဲကလဲ တောင်ကိုရီးယားရှိ အကြီးဆုံး Daisos များထဲမှ တစ်ခုလည်းဖြစ်ပါတယ်။

Myeongdong ရှိ Daiso ကို အကြီးစား ပြန်လည် ပြုပြင်မွမ်းမံပြီးနောက် 2023 ခုနှစ်အစောပိုင်းတွင် ပြန်လည်ဖွင့်လှစ်ခဲ့ပါတယ်။ ဒီ Daiso ဆိုင်ရဲ့ အထပ် ၁ ထပ်ချင်းဆီမှာ မတူကွဲပြားတဲ့ အပြင်အဆင်တွေနဲ့ ကဏ္ဍအလိုက် အထပ်တွေ ခွဲထားပါတယ်။ ပြီးတော့ Myeongdong မှာ လက်ရှိ Daiso စတိုးဆိုင် နှစ်ဆိုင် ရှိပြီး ဒီ အထပ် ၁၂ ထပ်နဲ့ Myeongdong Daiso စတိုးကတော့ Myeongdong ဘူတာနဲ့ နီးပါတယ်။နောက် Myeongdong Daiso စတိုးကတော့ Myeongdong ပြဇာတ်ရုံနားမှာ ဖြစ်ပါတယ်။

1st floor – မြေညီထပ်မှာ‌ကတော့ ရာသီအလိုက် ထုတ်ကုန်တွေ၊ ငွေရှင်းကောင်တာတွေ အပြင် အရုပ်တွေနဲ့ ဥယျာဉ်ခြံတွေအတွက် အသုံးအဆောင် ပစ္စည်းတွေလဲ ရောင်းချပေးပါတယ်။

2nd floor – အလှကုန်ပစ္စည်းများ
K-Beauty ထုတ်ကုန်များကို နှစ်သက်တွေအတွက် floor 2 ကတော့ သွားကို သွားကြည့်သင့်ပါတယ်။ ဒီအထပ်မှာ moisturiser မှ face masks တွေအထိ၊ ဆံပင်ဆိုးဆေးများ၊ လက်သည်းနီတွေအထိ ခန္ဓာကိုယ်ထိန်းသိမ်းမှုဆိုင်ရာ အလှအပထုတ်ကုန်များကို တွေ့နိုင်ပါတယ်။ ပြည်တွင်း ကိုရီးယား အလှကုန်အမှတ်တံဆိပ်များအပြင် Nivea နဲ့ Vaseline လိုမျိုး အမှတ်တံဆိပ်တွေရဲ့ ထုတ်ကုန်များကိုလဲ ရောင်းချပေးပါတယ်။ Vaseline face mask တစ်ခုဆိုရင် ဝမ် 1,000 နဲ့ ရနိုင်ပါတယ်။

3rd floor – စာရေးကိရိယာပစ္စည်းများ
ဒီအထပ်မှာတော့ ဘောပင်၊ စာအုပ်၊ ခဲတံနဲ့ ချစ်စရာကောင်းတဲ့ မှတ်စုစာအုပ်တွေအပြင် ချစ်စရာကာတွန်းစတစ်ကာအမြောက်အမြားကို ရှာဖွေ တွေ့ရှိနိုင်တဲ့ နေရာလည်းဖြစ်ပါတယ်။
ဒါ့အပြင် ကိုယ်ပိုင် Daiso စတစ်ကာတွေကို ဖန်တီးနိုင်တဲ့ စက်တောင်ရှိတဲ့အတွက် တော်တော်လေးမိုက်ပါတယ်။ ကိုယ်ကြိုက်တဲ့ စတစ်ကာ ဒီဇိုင်းတွေကို ကြိုက်သလို ဖန်တီးလို့ရတဲ့အတွက် try ကြည့်သင့်ပါတယ်။ အခြားပစ္စည်းများတွင် လက်ဆောင်ထုပ်ပိုးဖို့အတွက် လိုအပ်တဲ့ ပစ္စည်းတွေ၊ ချစ်စရာဇာတ်ကောင်ခဲတံအိတ်တွေလဲ ရှိပါသေးတယ်။

4th floor – ကာတွန်းဇာတ်ကောင်တွေရဲ့ အရုပ်များ၊ အသုံးအဆောင်ပစ္စည်းများ
ဒီအထပ်မှာတော့ Winnie the Pooh၊ Hello Kitty၊ Marvel နဲ့ Pixar မှထုတ်ကုန်များ အပါအဝင် လိုင်စင်ရ ကာတွန်းဇာတ်ကောင်တွေရဲ့ အသုံးအဆောင်ပစ္စည်းတွေနဲ့ အရုပ်များစွာကို တွေ့နိုင်ပါတယ်။ ဒါ့အပြင် Lego စတိုင်လိုမျိုး Daiso ကနေပြီးတော့ ထုတ်ထားတဲ့ Lego လိုမျိုး အရုပ်တွေလဲ ရနိုင်ပါသေးတယ်။မွေးနေ့ပွဲတွေ၊ party ပွဲတွေပြင်ဆင်ရာမှာ သုံးတဲ့ အသုံးအဆောင် ပစ္စည်းတွေလဲ ဒီအထပ်မှာ ရနိုင်ပါသေးတယ်။

5th floor – စားသောက်ကုန်ပစ္စည်းများ
ကိုရီးယား street food တွေအပြင် သရေစာမုန့်တော်တော် များများလဲ ဒီအထပ်မှာ စုံစုံလင်လင် တွေ့ရပါတယ်။ Lotte / Hershey choc tarts နှင့် ချောကလက်ဘားများ၊ ‘French Pies’၊ ပျားရည်ထောပတ် အရသာ Japanese Calbee အာလူးကြော်နဲ့ HBAF က ဗာဒံစေ့ထုပ်တွေလဲ ရပါသေး။ လေအေးပေးစက် သို့မဟုတ် ဇစ်အိတ်များကဲ့သို့ အစားအစာသိုလှောင်ခြင်းနှင့် အသုံးအဆောင်များ လည်းရှိသည်။ အမေရိကကထုတ်တဲ့ Pringles၊ Tootsie Rolls ‌စတာတွေကအစ Daiso မှာ နိုင်ငံတကာ အစားအစာ သရေစာတော်တော်များများ ရှိပါတယ်။

6th floor – ဖန်ထည်နဲ့ ကြွေထည်ပစ္စည်းမျိုးစုံ
အမှတ်တရ ပန်းကန်တွေ၊ခွက်တွေ ဝယ်ချင်လို့ဘဲ ဖြစ်ဖြစ် daiso ရဲ့ဒီအထပ်မှာတော့ ပန်းကန်ခွက်ယောက်မျိုးစုံကို ရှာတွေ့နိုင်ပါတယ်။ ကိုရီးယားမှာ ကျောင်းတက်နေတာဘဲ ဖြစ်ဖြစ်၊ အလုပ်ဘဲ လုပ်လုပ် ပန်းကန်တွေ၊ ခွက်တွေကို စျေးသက်သက်သာသာနဲ့ ဝယ်ချင်ရင်တော့ daiso ကို သွားသင့်ပါတယ်။

7th floor – အိမ်သုံးပစ္စည်းနဲ့ မီးဖိုချောင်သုံးပစ္စည်းများ
သစ်သားနဲ့ပြုလုပ်ထားတဲ့ မီးဖိုချောင်သုံးပစ္စည်းတွေအပြင် အခြား အထွေထွေ အိမ်သုံးပစ္စည်းတွေလဲ ရနိုင်ပါတယ်။
8th floor – ရေချိုးခန်းသုံးပစ္စည်းများ
အဝတ်လျှော်ဝာာမှာသုံးတဲ့ အသုံးအဆောင်ပစ္စည်းတွေရော အဝတ်လှန်းချိတ်တွေ၊ရေချိုးခန်းသုံး ဖိနပ်များ အစရှိတဲ့ ရေချိုးခန်းသုံး ပစ္စည်းတွေ အစုံအလင်ရှိပါတယ်။ Hello Kitty နှင့် Crayon Shin-chan နှင့် အခြားအရာများမှ ကာတွန်း/ဇာတ်ကောင်အမှတ်တံဆိပ်ပါ ပစ္စည်းများလည်း ရှိပါတယ်။

9th floor – အိမ်အလှဆင်ပစ္စည်းများ
ဒီအထပ်မှာတော့ အမွှေးဖယောင်းတိုင်၊ diffuser တွေကို အစုံအလင်ကို ပြသရောင်းချထားပါတယ်။ ဓာတ်ပုံဘောင်တွေ၊ နာရီတွေ၊ ခြင်းတောင်းတွေ စတဲ့ အိမ်သုံးပစ္စည်းအများအပြားကိုလဲ တွေ့နိုင်ပါသေးတယ်။

10th floor – ပန်းအတုများ၊ အိမ်မွေးတိရစ္ဆာန်သုံး ပစ္စည်းများ
Daiso ရဲ့ ဒီအထပ်မှာတော့ အိမ်မွေးတိရစ္ဆာန်တွေအတွက် ချစ်စရာခွေးဝတ်စုံများ၊ ကြောင်များအတွက် catnip၊ ကြောင်အ၀တ်အစားများနှင့် ခွေးမွေးနေ့ဦးထုပ်တို့လိုမျိုး အိမ်မွေးတိရစ္ဆာန်အသုံးအဆောင်ပစ္စည်းများရှိပါတယ်။ ဒါ့အပြင် အင်မတန်လှတဲ့ အလှဆင်တဲ့ ရောင်စုံပန်းအတုတွေအပြင် စိုက်ပျိုးရေးသမားတွေအတွက် အိုးများနှင့် မျိုးစေ့များလဲ တွေ့နိုင်ပါသေးတယ်။

11th floor – ကားအပိုပစ္စည်းနဲ့ ဆက်စပ်ပစ္စည်းများ
ကားအစစ်မဟုတ်သော်လည်း Mickey Mouse၊ Winnie the Pooh စတဲ့ ချစ်စရာ ဇာတ်ကောင်တွေနဲ့လုပ်ထားတဲ့ ကားအပိုပစ္စည်းတွေအပြင် ကားနဲ့ပတ်သက်တဲ့ သန့်ရှင်းရေးပစ္စည်းတွေ၊ အခြား အပိုပစ္စည်းတွေ အစုံအလင်ရှိပါတယ်။

12th floor – camping, ခရီးထွက်ခြင်း, အားကစားလုပ်ခြင်း စတာတွေမှာ သုံးတဲ့ အသုံးအဆောင်ပစ္စည်းများ
Daiso Myeongdong ၏အပေါ်ဆုံးထပ်မှာတော့ gym ဆော့ရမှာသုံးတဲ့ ဝိတ်တုံးတွေ၊ ကြိုးခုန်တဲ့ကြိုးများနဲ့ ယောဂဖျာများအထိ ရှိပါတယ်။ Daiso ခရီးသွားပစ္စည်းတွေကတော့ အလွန်ကောင်းမွန်ပြီး စျေးသက်သာပါတယ်။ ခရီးသွား/အိမ်သာသုံးအိတ်၊ ရောင်စုံထီးများး (ဆိုးလ်မှာ မိုးရွာတဲ့နေ့အတွက်ကောင်း) လိုမျိုး Daiso ထုတ်ကုန်တွေကို တွေ့ရပါလိမ့်မယ်။ camping ခရီးစဉ်တွေအတွက် ခေါက်ဆွဲခြောက်နှင့် တူနာဗူးတွေအပြင် ဖဲချပ်ချပ်များနဲ့ ခါးဂျာကင်အင်္ကျီများကိုလည်း ရနိုင်ပါသေးတယ်။
#myeongdong #daiso #shopping #korea #Myanmar #myangoal