သင်က Apple Store တစ်ခုထဲကို လှမ်းဝင်လိုက်တိုင်းမှာ ကိုယ်တိုင်တောင် သတိမထားမိဘဲ လျှို့ဝှက်တဲ့ စိတ်ပညာထောင်ချောက်တစ်ခုထဲကို ကျရောက်သွားလေ့ရှိတယ်ဆိုတာ သိရဲ့လား ?
ဒါက ဘာလဲဆိုရင် နေ့တိုင်း မနက်ခင်းတိုင်းမှာ Apple ဝန်ထမ်းတွေဟာ MacBook မျက်နှာပြင်တွေကို တိတိကျကျ ၇၆ ဒီဂရီ (76°) စောင်းထားဖို့ ညွှန်ကြားခံထားရလို့ပါ။ ဒါဟာ အလှအပအတွက် လုပ်ထားတာ မဟုတ်ပါဘူး။ ဒီအစောင်းဒီဂရီဟာ ကြည့်ရတာ အဆင်မပြေတဲ့အပြင် မျက်နှာပြင်ကို သေသေချာချာ မမြင်ရလောက်အောင်ကို စိတ်အနှောင့်အယှက် ဖြစ်စေပါတယ်။
ဒီတော့ သင် ဘာလုပ်မိမလဲ? သဘာဝအတိုင်းပဲ သင်ဟာ ဆိုင်ထဲဝင်ပြီး လက်နဲ့လှမ်းပြီး မျက်နှာပြင်ကို အကြည်လင်ဆုံးဖြစ်မယ့် အနေအထား ရောက်အောင် ညှိလိုက်ပါလိမ့်မယ်။ ဒါပေမဲ့ သင် အဲ့ဒီပစ္စည်းကို ကိုင်တွယ်လိုက်တဲ့ ခဏချင်းမှာပဲ သင့်ရဲ့ ဦးနှောက်ထဲမှာ “Endowment Effect” လို့ခေါ်တဲ့ စိတ်ပိုင်းဆိုင်ရာ တုံ့ပြန်မှုတစ်ခု ဖြစ်ပေါ်သွားပါတယ်။
ဒါရဲ့ သဘောတရားကတော့ သင်ဟာ ပစ္စည်းတစ်ခုခုကို ခဏလောက်ပဲဖြစ်ဖြစ် ကိုယ်တိုင်ထိတွေ့ ကိုင်တွယ်လိုက်တဲ့အခါ သင့်ရဲ့ဦးနှောက်က အဲ့ဒီပစ္စည်းကို ကိုယ့်ပိုင်ဆိုင်မှုတစ်ခုလိုမျိုး စတင်သတ်မှတ်လိုက်တာပဲ ဖြစ်ပါတယ်။ သင့်အတွက် အဆင်ပြေဆုံး Viewing Angle ရောက်အောင် မျက်နှာပြင်ကို ညှိလိုက်ရုံနဲ့တင် အဲ့ဒီပစ္စည်းအပေါ်မှာ “ငါ့ပိုင်ဆိုင်မှု” ဆိုတဲ့ ခံစားချက် သေးသေးလေးတစ်ခု စတင်ဖြစ်ပေါ်လာပါတယ်။
အဲ့ဒီအခါမှာ ဒီပစ္စည်းကို သင်ကိုယ်တိုင် အသုံးပြုနေတဲ့ပုံရိပ်ကို စိတ်ကူးယဉ်ဖို့ ပိုလွယ်ကူသွားစေပါတယ်။ ဒါဟာ သင့်ရဲ့ မသိစိတ်ထဲကနေ အဲ့ဒီထုတ်ကုန်အပေါ် စွဲလန်းသွားစေပြီး အိမ်ကို ဝယ်ယူသွားဖို့ ဖြစ်နိုင်ခြေ ပိုများလာအောင် ဖန်တီးလိုက်တာပါ။ ဒါဟာ Apple ရဲ့ အပါးနပ်ဆုံး အရောင်းဗျူဟာတွေထဲက တစ်ခုပဲ ဖြစ်ပါတယ်။
