Apple ဟာ ၂၀၂၆ ခုနှစ်၊ ဖေဖော်ဝါရီလ ၁၁ ရက်နေ့မှာ iOS 26.3 ကို တရားဝင် ထုတ်လုပ်ပေးလိုက်ပြီဖြစ်ပါတယ်။ 

—

by

Aung MyoMyat
in ,

Apple ဟာ ၂၀၂၆ ခုနှစ်၊ ဖေဖော်ဝါရီလ ၁၁ ရက်နေ့မှာ iOS 26.3 ကို တရားဝင် ထုတ်လုပ်
ပေးလိုက်ပြီဖြစ်ပါတယ်။ 

ဒီ Update မှာ အထူးခြားဆုံးကတော့ iPhone ကနေ Android ဖုန်းကို ပြောင်းသုံးချင်သူတွေအတွက် အချက်အလက်တွေကို ပိုမိုလွယ်ကူစွာ လွှဲပြောင်းနိုင်မယ့် လုပ်ဆောင်ချက် ပါဝင်လာတာပဲ ဖြစ်ပါတယ်။

Android ဖုန်းသို့ အချက်အလက်လွှဲပြောင်းခြင်း (Transfer to Android) 

အရင်က iPhone ကနေ Android ပြောင်းမယ်ဆိုရင် နည်းလမ်းတွေ ရှုပ်ထွေးခဲ့ပေမဲ့ အခု iOS 26.3 မှာတော့ Apple နဲ့ Google တို့ ပူးပေါင်းပြီး “Transfer to Android” ဆိုတဲ့ Native feature အသစ်ကို ထည့်သွင်းပေးလိုက်ပါတယ်။

* အသုံးပြုပုံ: Settings > General > Transfer or Reset iPhone ထဲမှာ ဒီ option ကို တွေ့နိုင်ပါတယ်။

* လုပ်ဆောင်ချက်: ဖုန်းနှစ်လုံးကို ဘေးချင်းယှဉ်ထားပြီး QR Code စကင်ဖတ်ရုံနဲ့ ဓာတ်ပုံ၊ မက်ဆေ့ချ်၊ App များ၊ ဖုန်းနံပါတ် (eSIM) နဲ့ Password တွေကိုပါ ကြိုးမဲ့စနစ်နဲ့ လွှဲပြောင်းပေးမှာဖြစ်ပါတယ်။

* သတိပြုရန်: ကျန်းမာရေးဒေတာ (Health Data)၊ Bluetooth ချိတ်ဆက်မှုများနှင့် Locked Notes ကဲ့သို့ ကာကွယ်ထားသော အချက်အလက်များတော့ ပါဝင်မှာ မဟုတ်ပါဘူး။

တိကျသောတည်နေရာကို ကန့်သတ်ခြင်း (Limit Precise Location) 

iPhone 16e နဲ့ iPhone Air (C-series modem ပါဝင်သော ဖုန်းများ) အတွက် အော်ပရေတာတွေဆီ မိမိရဲ့ တည်နေရာအချက်အလက် အတိအကျ မရောက်သွားအောင် ကန့်သတ်နိုင်မယ့် Feature ပါဝင်လာပါတယ်။ လက်ရှိမှာတော့ နိုင်ငံတကာက အော်ပရေတာ အနည်းငယ်မှာပဲ စတင်အသုံးပြုနိုင်ပါသေးတယ်။

Update ပြုလုပ်နည်း

မိမိရဲ့ iPhone မှာ Settings > General > Software Update သို့သွားပြီး iOS 26.3 ကို Manual Update ပြုလုပ်နိုင်ပါတယ်။

Latest