iOS 26 မှာ Notification တွေကြောင့် စိတ်အနှောင့်အယှက်မဖြစ်ရလေအောင် စနစ်တကျ စီမံခန့်ခွဲနိုင်မယ့် နည်းလမ်းကောင်း

iOS 26 မှာ Notification တွေကြောင့် စိတ်အနှောင့်အယှက်မဖြစ်ရလေအောင် စနစ်တကျ စီမံခန့်ခွဲနိုင်မယ့် နည်းလမ်းကောင်း

၂၀၂၄ ခုနှစ် လေ့လာမှုအရ လူတစ်ယောက်ဟာ တစ်နေ့ကို ပျမ်းမျှ Notification ပေါင်း ၁၄၆ ခုလောက်အထိ လက်ခံရရှိနေတာကြောင့် ဒါကို ထိန်းချုပ်ဖို့က တကယ်ကို လိုအပ်လာပါပြီ

Notification တွေ တစ်ခုပြီးတစ်ခု ခဏခဏ တက်မလာစေဖို့အတွက် Scheduled Summary က အကောင်းဆုံးပါ။ သူက အရေးမကြီးတဲ့ Notification တွေကို စုစည်းပေးထားပြီး သင်သတ်မှတ်ထားတဲ့ အချိန်ကျမှသာ တစ်ခါတည်း အနှစ်ချုပ်ပြသပေးမှာ ဖြစ်ပါတယ်။

* Settings ကိုသွားပါ။

* Notifications ကို နှိပ်ပါ။

* Scheduled Summary ကို ရွေးပြီး Toggle ကို On ပေးပါ။

* Continue ကို နှိပ်ပြီး ဘယ်အချိန်တွေမှာ Notification Summary ကို လက်ခံချင်သလဲဆိုတဲ့ အချိန်ဇယား (Schedule) ကို သတ်မှတ်ပါ။

* အနှစ်ချုပ်ထဲမှာ ပါဝင်စေချင်တဲ့ App တွေကို ရွေးချယ်ပြီးတာနဲ့ အားလုံး အဆင်ပြေသွားပါပြီ။

၂။ App တစ်ခုချင်းစီအတွက် Notification ပိတ်ခြင်း

တချို့ App တွေက မလိုအပ်ဘဲ ခဏခဏ Notification ပို့နေတတ်ပါတယ်။ အဲ့ဒီလို App မျိုးကို လုံးဝ ပိတ်ထားလိုက်တာက ပိုအေးဆေးပါတယ်။

* Settings > Notifications ထဲကို သွားပါ။

* မိမိ ပိတ်ချင်တဲ့ App ကို ရှာပြီး နှိပ်ပါ။

* Allow Notifications ဆိုတာကို Off လိုက်ရုံပါပဲ။

၃။ အစိုးရ သတိပေးချက်များ (Government Alerts) 

ရာသီဥတု သတိပေးချက် ဒါမှမဟုတ် အရေးပေါ် သတိပေးချက်တွေက တစ်ခါတလေ အရမ်းလန့်ဖို့ကောင်းပါတယ်။ ဒါတွေကိုလည်း စိတ်ကြိုက် ပြုပြင်လို့ရပါတယ်။ (မှတ်ချက် – အရေးကြီးတဲ့ အသက်အန္တရာယ် သတိပေးချက်မျိုးကိုတော့ ဖွင့်ထားဖို့ အကြံပြုလိုပါတယ်)။

* Settings > Notifications ထဲကို ဝင်ပါ။

* အောက်ဆုံးအထိ Scroll ဆွဲဆင်းလိုက်ရင် Government Alerts ဆိုတဲ့ Section ကို တွေ့ရပါမယ်။

* မိမိ မလိုချင်တဲ့ အချက်လှမ်းတွေကို ပိတ်ထားနိုင်ပါတယ်။

နောက်ဆုံးထွက် iOS 26.2 မှာတော့ Notification တက်လာတဲ့အခါ အသံနဲ့ တုန်ခါမှုအပြင် ဖုန်း Screen ကိုပါ အလင်းဖျတ်ခနဲ (Flash) ပြပေးမယ့် Flash for Alerts ဆိုတဲ့ feature အသစ် ပါဝင်လာပါတယ်။ ဒါကို Accessibility > Audio & Visual ထဲမှာ သွားရောက် ဖွင့်ထားနိုင်ပါတယ်။