Galaxy S25 မှာပါဝင်တဲ့ AI Assistant နဲ့ပတ်သက်ပြီး သိထားရသမျှ

Galaxy S25 မှာပါဝင်တဲ့ AI Assistant နဲ့ပတ်သက်ပြီး သိထားရသမျှ

Samsung ကတော့ Galaxy Unpacked ပွဲမှာ Galaxy S25၊ S25+ နဲ့ S25 Ultra တို့ပါဝင်တဲ့ Galaxy S25 စီးရီးကို တရားဝင်မိတ်ဆက်ခဲ့ပါတယ်။

ဒီလိုမိတ်ဆက်ပြီးနောက်မှာတော့ အထူးဒီဇိုင်းထုတ်ထားတဲ့ အမိုက်စား Snapdragon 8 Elite Mobile Platform နဲ့ အလုပ်လုပ်မယ့်  Samsung ရဲ့ ပထမဆုံး multimodal AI assistant ကိုပါထည့်သွင်းပြီးကြေညာခဲ့ပါတယ်။ ဒါ့အပြင် One UI 7 က ကောင်းကောင်း အလုပ်လုပ်မှာဖြစ်ပြီး  OS အပါအဝင် Security Update တွေကို ခုနစ်နှစ်ထိ ပေးသွားမှာဖြစ်ပါတယ်။

ဒါ့အပြင် Samsung ကလည်းပွဲမှာ AI နဲ့ပတ်သက်တာတွေကြီးပဲ အများကြီး ထည့်ကြေညာသွားတာဆိုတော့ သူ့ AI က အမွှန်းတင်ထားသလို ဘာတွေ ကောင်းလည်း ကြည့်လိုက်ရအောင်။

• Voice-Activated Task Execution Feature

အရင်တုန်းက Feature တွေကို တစ်ဆင့်မြှင့်ပေးလိုက်တဲ့ထဲမှာ Voice-Activated Task Execution  Feature လည်းပါဝင်လာပါတယ်။ ဒီ Feature က အသံနဲ့ ခိုင်းတာတွေ ကို App တွေထဲအထိကို အသုံးပြုလို့ရနိုင်အောင်လုပ်ပေးလိုက်တာဖြစ်ပါတယ်။ ဥပမာ ဒီနေ့ အားကစားလုပ်စရာရှိတာမျိုးဆိုရင် Calendar မှာ Add ထားတဲ့အထိကို အသံနဲ့ခိုင်းလို့ရနိုင်မှာဖြစ်ပါတယ်။

• Circle to Search Upgrade

စက်ဝိုင်းဝိုင်းလိုက်တာနဲ့ ရှာဖွေတာတွေကို S24 မှာလည်းတွေ့ခဲ့ရပေမယ့် S25 မှာတော့ အသံတွေက အစ ရှာဖွေတာမျိုးတွေလုပ်နိုင်မှာဖြစ်ပါတယ်။ ဥပမာ ဇာတ်ကားတစ်ကားမှာ မတူညီတဲ့ Soundtrack တွေကို ရှာပေးနိုင်တဲ့အထိကို လုပ်ဆောင်နိုင်မှာဖြစ်ပါတယ်။

• Real-Time Translation and Call Summaries

Real-Time Translation က အခုဆိုရင် ဘာသာစကား ၂၀ ကျော် အသုံးပြုလို့ရနိုင်အောင်လုပ်ထားပြီး ဘာသာစကားအခက်အခဲရှိသူများအတွက် အဆင်ပြေအောင်လုပ်ထားတာဖြစ်ပါတယ်။ ဒါ့အပြင် ဖုန်းခေါ်ဆိုမှတ်တမ်းတွေကိုလည်း အကျဥ်းချုပ်ပေးမှာဖြစ်တဲ့ Call Summaries လည်း ပါဝင်လာတာဖြစ်ပါတယ်။

ဒီ Feature တွေကတော့ AI နဲ့ပတ်သက်ပြီးပြောင်းလဲမှုတွေအများကြီးလုပ်ထားတဲ့ Feature တွေပဲဖြစ်ပါတယ်။ တခြားကျန်နေသေးတဲ့ Feature တွေကိုလည်း တင်ပေးသွားမှာဖြစ်လို့ MyanGoal Page လေးကို စောင့်ကြည့်ပေးဖို့ မမေ့နဲ့ဦးနော်။