Microsoft က AI နည်းပညာကို အားကိုးပြီး ဝန်ထမ်းအင်အား ၉၀၀၀ လောက်ကို အလုပ်ထုတ်ဖို့ စီစဉ်နေ

Microsoft က AI နည်းပညာကို အားကိုးပြီး ဝန်ထမ်းအင်အား ၉၀၀၀ လောက်ကို အလုပ်ထုတ်ဖို့ စီစဉ်နေ

ဒီနှစ်ထဲမှာ စတင်မယ့် Microsoft ရဲ့ AI ကြောင့် လူတချို့ဟာ အလုပ်လက်မဲ့ဖြစ်ရတော့ပါမယ်။ ဘယ်ဌာနတွေ ပါမလဲဆိုတာကိုတော့ အတိအကျ မထုတ်ပြောသေးပေမယ့်၊ သတင်းတွေအရဆိုရင် Xbox ဗီဒီယိုဂိမ်းထုတ်တဲ့ ဌာနခွဲကတော့ သေချာပေါက် ပါမယ်လို့ ပြောနေကြပါတယ်။ 🎮

Microsoft က အခု AI နယ်ပယ်မှာ အရမ်းအင်အားကြီးလာတာဆိုတော့ သူတို့က AI သင်ယူမှုအတွက် ဒေတာစင်တာတွေ ဆောက်ဖို့ ဒေါ်လာ ၈၀ ဘီလီယံလောက် အကုန်အကျခံထားတယ်လို့သိရပါတယ်။ ဒါက သူတို့ရဲ့ အနာဂတ်လုပ်ငန်းတွေကို ပိုပြီး ထိရောက်ဖို့လက်ရှိ လူအသုံးစရိတ်ကို လျှော့ချဖို့ ကြိုးစားနေတာဖြစ်ပါတယ်။

ဒီလိုပြောရရင်၊ သူတို့ရဲ့ ဝန်ထမ်းစုစုပေါင်း ၂၂၈,၀၀၀ လောက်ထဲက ၄% လောက်ကို ဖြတ်တောက်မယ်ဆိုတော့ ဒါ တော်တော်ကြီးမားတဲ့ အလုပ်ထုတ်ပွဲကြီးလို့မြင်မိပါတယ်။ ပြီးခဲ့တဲ့ နှစ်တွေထဲမှာလည်း Microsoft အပါအဝင် တခြားနည်းပညာကုမ္ပဏီတွေက AI ကို ပိုသုံးလာပြီး ဒေတာစင်တာတွေ၊ AI သုံးဖို့ ချစ်ပ်တွေအတွက် ဒေါ်လာဘီလီယံနဲ့ချီ ရင်းနှီးထားကြတာ တွေ့ရပါတယ်။

ဒီလို နည်းပညာတိုးတက်လာတာက တစ်ဖက်မှာ ကောင်းပေမယ့်၊ အလုပ်သမားတွေအတွက်တော့ စိန်ခေါ်မှုတစ်ခုပါပဲ။ ဒါပေမယ့် Microsoft ကတော့ ဒီလှုပ်ရှားမှုက စျေးကွက်ထဲမှာ ပိုထိရောက်ပြီး အောင်မြင်ဖို့ လိုအပ်တဲ့ အဆင့်တစ်ခုလို့ ပြောထားပါတယ်။