Xiaomi က iPhone 17 ကို ယှဉ်ပြိုင်ဖို့ 16 ကို ကျော်ပြီး Mi 17 ကို ထုတ်လုပ်မည်

—

by

Aung MyoMyat
in

Xiaomi က iPhone 17 ကို ယှဉ်ပြိုင်ရန် Mi 16 ကို ကျော်ပြီး Mi 17 ကို ထုတ်လုပ်မည်

Apple နဲ့ Xiaomi တို့ရဲ့ ပြိုင်ဆိုင်မှုဟာ iPhone 17 ထွက်လာတာနဲ့အမျှ ပိုပြီး ပြင်းထန်လာပါတယ်။ Xiaomi ဟာ အစဉ်အလာအရ ထုတ်လုပ်နေကျဖြစ်တဲ့ Mi 16 ကို မထုတ်တော့ဘဲ iPhone 17 နဲ့ တိုက်ရိုက်ယှဉ်ပြိုင်နိုင်ဖို့ Xiaomi Mi 17 ကို တန်းထုတ်မယ်လို့ သတင်းတွေ ထွက်ပေါ်လာပါတယ်။

ဒီလိုနံပါတ်ကျော်ပြီး ထုတ်လုပ်တဲ့အခြေအနေဟာ နည်းပညာထက် ဈေးကွက်ရဲ့ စိတ်ပိုင်းဆိုင်ရာအချက်နဲ့ ပိုသက်ဆိုင်နေပါတယ်။ ကျွမ်းကျင်သူတွေရဲ့ သုံးသပ်ချက်အရ Xiaomi ဟာ “Mi 16” လို့ နာမည်ပေးလိုက်ရင် “iPhone 17” နဲ့ ယှဉ်လိုက်တဲ့အခါ မော်ဒယ်ဟောင်းလို ခံစားရနိုင်တာကို ရှောင်ရှားချင်တဲ့အတွက် ဒီဆုံးဖြတ်ချက်ကို ချခဲ့တာ ဖြစ်ပါတယ်။ ဒါဟာ Xiaomi က “ကျွန်တော်တို့က နောက်လိုက်မဟုတ်ဘဲ တန်းတူပြိုင်ဘက်” ဆိုတဲ့ သတင်းစကားကို ရှင်းရှင်းလင်းလင်း ပေးလိုက်တာပဲ ဖြစ်ပါတယ်။

Xiaomi ပရိသတ်တွေကလည်း Mi 16 အတွက် ပြင်ဆင်ထားတဲ့ နည်းပညာတွေနဲ့ Mi 17 အတွက် ရည်မှန်းထားတဲ့ upgrade တွေကို ပေါင်းစပ်ပြီး အံ့အားသင့်စရာကောင်းတဲ့ Super Flagship ဖုန်းတစ်လုံး ဖြစ်လာမလားလို့ မျှော်လင့်နေကြပါတယ်။

Xiaomi Mi 17 မှာ iPhone 17 ကို ယှဉ်နိုင်မယ့် processor အသစ်၊ အဆင့်မြင့် camera နဲ့ AI နည်းပညာသစ်တွေ ပါဝင်လာဖို့ ရှိပါတယ်။ ဒါ့အပြင် Apple ထက် အများကြီး သက်သာတဲ့ဈေးနှုန်းနဲ့ ထွက်လာဖို့လည်း ရှိတဲ့အတွက် Apple အတွက်တော့ ခေါင်းခဲစရာ ပြိုင်ဘက်တစ်ခု ဖြစ်လာနိုင်ပါတယ်။

Latest