Tablet အသေးစားလေးလို သုံးလို့ရမယ့် Galaxy Z Fold8 Wide

—

by

Aung MyoMyat
in

Tablet အသေးစားလေးလို သုံးလို့ရမယ့် Galaxy Z Fold8 Wide
ဒီမော်ဒယ်သစ်ဟာ သူ့ရဲ့နာမည်အတိုင်းပဲ ပုံမှန်ထက် ပိုမိုကျယ်ပြန့်တဲ့ ဒီဇိုင်းပိုင်းနဲ့ ထွက်ရှိလာမှာဖြစ်ပြီး Apple က ထုတ်လုပ်ဖို့ ပြင်ဆင်နေတဲ့ ခေါက်ဖုန်းခြေလှမ်းတွေကို ကြိုတင်ပိတ်ဆို့ဖို့ ရည်ရွယ်ထားပုံရပါတယ်။ အဓိကထူးခြားချက်ကတော့ ဖုန်းကို ဖြန့်လိုက်တဲ့အခါမှာ လေးထောင့်စပ်စပ်ပုံစံမျိုးထက် Tablet အသေးစားလေးတစ်ခုကို ကိုင်ထားရသလိုမျိုး ကျယ်ကျယ်ပြန့်ပြန့်နဲ့ အားရပါးရ အသုံးပြုနိုင်မှာပဲ ဖြစ်ပါတယ်။

ဒီဇိုင်းပိုင်းမှာတော့ Samsung ရဲ့ နောက်ဆုံးပေါ် Flagship ဖုန်းတွေရဲ့ အငွေ့အသက်တွေ ပါဝင်လာမှာဖြစ်သလို၊ ကိုယ်ထည်ပိုင်းကိုလည်း အလွန်ပါးလွှာအောင် ဖန်တီးထားတာကြောင့် လက်ထဲမှာ ကိုင်ရတာ ပေါ့ပါးသွက်လက်နေမှာပါ။ အတွင်းပိုင်း စွမ်းဆောင်ရည်မှာလည်း အမြင့်ဆုံး Chipset တွေနဲ့အတူ ဘက်ထရီပိုင်းကိုပါ အဆင့်မြှင့်တင်ပေးထားတာကြောင့် ဂိမ်းဆော့တာပဲဖြစ်ဖြစ်၊ အလုပ်ကိစ္စတွေ လုပ်တာပဲဖြစ်ဖြစ် အဆင်ပြေပြေနဲ့ အချိန်အကြာကြီး အသုံးခံမှာ ဖြစ်ပါတယ်။

ကင်မရာပိုင်းမှာလည်း ခေတ်မီတဲ့ Lens ဒီဇိုင်းသစ်တွေနဲ့အတူ ပုံထွက်ကောင်းမွန်အောင် ပြင်ဆင်ထားတာကြောင့် ဓာတ်ပုံရိုက်တာ ဝါသနာပါသူတွေအတွက်လည်း အကြိုက်တွေ့စေမှာပါ။ ခေါက်ထားတဲ့အချိန်မှာရော၊ ဖြန့်လိုက်တဲ့အချိန်မှာပါ ပါးလွှာကျစ်လျစ်တဲ့ ခံစားမှုကို ပေးစွမ်းနိုင်ဖို့အတွက် အသေးစိတ် ဖန်တီးထားတာကို တွေ့ရပါတယ်။

Latest