နည်းပညာနဲ့ ကျန်းမာရေးကို ပေါင်းစပ်ပေးမယ့် Perplexity Health

နည်းပညာနဲ့ ကျန်းမာရေးကို ပေါင်းစပ်ပေးမယ့် Perplexity Health
ဒီဝန်ဆောင်မှုအသစ်ဟာ သင့်ရဲ့ နေ့စဉ်လှုပ်ရှားမှုတွေ၊ အိပ်စက်မှုမှတ်တမ်းတွေနဲ့ ကျန်းမာရေးဒေတာတွေကို အခြေခံပြီး သင့်အတွက် အကိုက်ညီဆုံးဖြစ်မယ့် Fitness Plan တွေနဲ့ ကျန်းမာရေးလမ်းညွှန်ချက်တွေကို AI စနစ်နဲ့ ဖန်တီးပေးမှာပါ။ အခြား AI တွေထက် ထူးခြားတာကတော့ ဆေးဘက်ဆိုင်ရာ ကျွမ်းကျင်သူ သန်းနဲ့ချီရဲ့ မှတ်တမ်းတွေကို အသုံးပြုပြီး လေ့ကျင့်ပေးထားတာကြောင့် ထွက်ပေါ်လာတဲ့ အဖြေတွေဟာ ခိုင်လုံတဲ့ ဆေးပညာအထောက်အထားတွေအပေါ် အခြေခံထားတာပဲ ဖြစ်ပါတယ်။

ဒါ့အပြင် နာမည်ကျော် ဆရာဝန်ကြီးတွေနဲ့ သုတေသီတွေ ပါဝင်တဲ့ အကြံပေးဘုတ်အဖွဲ့ကလည်း AI ရဲ့ အရည်အသွေးကို စနစ်တကျ အနီးကပ်စောင့်ကြည့်ပေးနေတာကြောင့် ပိုမိုတိကျတဲ့ လမ်းညွှန်မှုတွေကို ရရှိစေမှာပါ။ Samsung Galaxy AI နဲ့ လက်တွဲပြီးနောက်ပိုင်း ပိုမိုအားကောင်းလာတဲ့ ဒီခြေလှမ်းဟာ နည်းပညာကို အသုံးပြုပြီး ကျန်းမာရေးစောင့်ရှောက်မှုကို တစ်ဆင့်မြှင့်တင်ပေးလိုက်သလိုပါပဲ။

လက်ရှိမှာတော့ အမေရိကန်နိုင်ငံမှာ စတင်အသုံးပြုနိုင်နေပြီဖြစ်ပြီး မကြာခင်မှာလည်း တစ်ကမ္ဘာလုံးအတိုင်းအတာနဲ့ တိုးချဲ့ပေးသွားဖို့ ရှိနေပါတယ်။ AI နည်းပညာတွေမှာ ကျန်းမာရေးအကြံပြုချက်နဲ့ ပတ်သက်ရင် သတိထားရမယ့် အပိုင်းတွေ ရှိနေသေးပေမဲ့ Perplexity ရဲ့ အခုလို စနစ်တကျ ပြင်ဆင်လာမှုကတော့ တကယ်ကို စိတ်ဝင်စားစရာ ကောင်းလှပါတယ်။