Korean variety show တွေ မကြည့်ဖူးတဲ့ သူတွေရှိကြလား ? part 2

—

by

Milo Kevin
in
Korean variety show တွေ မကြည့်ဖူးတဲ့သူတွေရှိကြလား ?
ဒီနေ့ခေတ်လို မြန်မာမှာ ကိုရီးယားယဥ်ကျေးမှုတွေ လွှမ်းမိုးနေတဲ့ ခေတ်ကြီးထဲ Korean variety show တွေ မကြည့်ဖူးတဲ့သူ မရှိပါဘူး။ ဒါဆိုရင် အခုပြောပြသွားမယ့် ရှိုးတွေရော ကြည့်ဖူးကြလား ? ဒီနေ့မှာတော့ အမိုက်စား Korean variety show 8 ခုထဲက ကျန်နေသေးတဲ့ ရှိုး 4 ခုကို ထပ်ပြီးပြောပြပေးသွားမှာ ဖြစ်ပါတယ်။

5. Single’s Inferno (2021)
Dating variety shows တွေ ကြည့်ရတာ ကြိုက်နှစ်သက်တဲ့သူ ဆိုရင်တော့ Netflix က ထုတ်တဲ့ Single’s Inferno ဆိုတဲ့ dating variety shows ကို ကြည့်ကြည့်လိုက်ပါ။ ဒီရှိုးရဲ့ main concept ကတော့ survival shows ပုံစံကိုမှ ချစ်ခြင်းမေတ္တာအတွက် တိုက်ပွဲဝင်ရတဲ့ အယူအဆကိုပါ ပေါင်းစပ်ထားတဲ့ ရှိုးတစ်ခု ဖြစ်ပါတယ်။ ရှိုးမှာ Single ၁၂ ယောက်ဟာ ပြိုင်ပွဲတလျှောက်လုံး တစ်ယောက်နဲ့ တစ်ယောက် သိအောင်ပြုလုပ်ကြပြီး Inferno လို့ခေါ်တဲ့ သဲကန္တာရကျွန်းမှာ challenges တွေ ဆော့ကစားပြီး စိန်ခေါ်မှုတွေကနေ တစ်ဆင့် အချစ်ကို ရှာဖွေကြရတာ ဖြစ်ပါတယ်။

6. Law of the Jungle (2011 – 2021)
ကျွန်းတွေနဲ့ သဘာဝတရားကို သဘောကျတယ်ဆိုရင်တော့ စွန့်စားခန်းတွေပြုလုပ်ရတဲ့ Law of the Jungle ကို ကြည့်သင့်ပါတယ် ။ ဒီရှိုးမှာ ကိုရီးယားလူရွှင်တော် Kim Byung-man နဲ့အတူ အနုပညာရှင်တွေဟာ တောရိုင်းထဲမှာ နေထိုင်ရတာဘဲ ဖြစ်ပါတယ်။ ဒီရှိုးကို ကြည့်ရင်တော့ အကြည့်သင့်ဆုံး အပိုင်းကတော့ Law of the Jungle in Antarctica (Episodes 311 – 314) ဖြစ်ပါတယ်။ အပိုင်း 300 ကို ဂုဏ်ပြုဖို့အတွက် ရည်ရွယ်ရိုက်ကူးခဲ့တာပြီး အန္တာတိကတိုက်မှာ သွားရောက်ရိုက်ကူးတဲ့ ပထမဆုံး Korean variety show ဖြစ်ပါတယ်။ ဒါ့အပြင် အန္တာတိကတိုက်ရဲ့ အလှအပတွေကို အကောင်းဆုံး မြင်တွေ့နိုင်ဖို့အတွက် 4K ultra-HD နဲ့ ရိုက်ကူးခဲ့ပြီး ကိုရီးယားတီဗီအစီအစဉ်တွေထဲမှာလဲ 4K ရိုက်တဲ့ ပထမဆုံးရှိုးဖြစ်ပါတယ်။

7. 2 Days 1 Night (2007 – present)
ခရီးသွားရတာ ကြိုက်တဲ့သူဆိုရင်တော့ ဒီနာမည်ကြီး ကိုရီးယား ခရီးသွားရှိုးဖြစ်တဲ့ 2 Days 1 Night ကို ကြည့်သင့်ပါတယ်။ ဒီရှိုးမှာ ပါဝင်သူတွေဟာ ကိုရီးယားနိုင်ငံရဲ့ မစူးစမ်းရသေးတဲ့၊ လူသိနည်းသေးတဲ့ နေရာဒေသတွေကို ခရီးသွားကြပြီး မစ်ရှင်တွေ လုပ်ဆောင်ရတာ ဖြစ်ပါတယ်။ ဒီရှိုးဟာ producer တွေက ပါဝင်မယ့် ဧည့်သည်တွေကို ရွေးတာမဟုတ်ဘဲ members တွေ ကိုယ်တိုင် ဧည့်သည်တွေကို ဖိတ်ကြားနိုင်တာ ဖြစ်ပါတယ်။ ဒီရှိုးကိုကြည့်တဲ့အခါ Lunar New Year time-travelling special Episode 159 ကို ကြည့်ဖို့လဲ မမေ့ပါနဲ့။

8. Weekly Idol (2011 – present)
K-Pop ကြိုက်တဲ့သူ၊ K-pop Idol တွေ ကြည့်ချင်တဲ့သူတွေအတွက် Weekly Idol ကတော့ အမိုက်ဆုံးဖြစ်ပါတယ်။ ဒီရှိုးမှာ မတူညီတဲ့ K-pop Idol အဖွဲ့တွေကို အပတ်တိုင်း ဖိတ်ခေါ်ပြီး ဂိမ်းအမျိုးမျိုးတွေ‌၊ အထူးအမေးအဖြေတွေကနေတစ်ဆင့် လာရောက်တဲ့ ဧည့်သည်တွေရဲ့ အကြောင်းအားလုံးကို ပရိတ်သတ်တွေကို ချပြတာဖြစ်ပါတယ်။ Boom နဲ့ Lee Jang-Jun တို့က စီစဉ်တင်ဆက်တဲ့ ဒီရှိုးမှာ လာရောက်တဲ့ ဧည့်သည်အနုပညာရှင်တွေရဲ့ သီချင်းတွေကို အရှိန်နှစ်ဆနဲ့ ကရတဲ့ 2X Speed Dance Challenge ကလဲ နာမည်ကြီးပါတယ်။ BigBang အဖွဲ့လာရောက်တုန်းကလဲ Bang Bang Bang ကို ကပြခဲ့ပါသေးတယ်။ နောက်ထပ် လူကြိုက်များတဲ့ challenge ကတော့ Random Play Dance ဖြစ်ပါတယ်။ ဧည့်သည်တွေအနေနဲ့ သီချင်းကျပန်းပြောင်းသွားတိုင်း ဖွင့်ထားတဲ့ သီချင်းထဲကအတိုင်း မှန်ကန်တဲ့ ကကွက်ကို ကနေရမှာ ဖြစ်ပါတယ်။

#entertainment #varietyshow #myangoal #korea #myanmar
 




















Comments









	

		
Leave a Reply 
	

	




























Latest