ကိုရီးယား ရိုးရာကစားနည်းတွေနဲ့အတူ ယဉ်ကျေးမှုနှင့် ပျော်ရွှင်မှုတွေကို ခံစားလိုက်ပါ Part-2

ကိုရီးယား ရိုးရာကစားနည်းတွေဟာ ဖျော်ဖြေမှုထက် ပိုပြီး ကိုရီးယားရဲ့ ယဉ်ကျေးမှုအမွေအနှစ်ကို မြင်တွေ့နိုင်တဲ့ ပြတင်းပေါက်တစ်ခု ဖြစ်ပါတယ်။ 🪟 နည်းဗျူဟာ၊ ရိုးရာပုံပြောခြင်းနဲ့ ရုပ်ပိုင်းဆိုင်ရာ ယှဥ်ပြိုင်မှုတွေက တစ်ဆင့် ကိုရီးယားတွေရဲ့ ယဉ်ကျေးမှုတန်ဖိုးတွေကို ခံစားနိုင်ပါတယ်။ ဒီကစားနည်းတွေကို ကစားပြီး မိသားစုအချင်းချင်း ရင်းနှီးမှုကို မြှင့်တင်နိုင်ပါတယ်။ 💖 ဒါကြောင့်မလို့ ဒီနေ့မှာလည်း အားလပ်ချိန်မှာ ကိုရီးယားလူမျိုးတွေ ဆော့ကစားလေ့ရှိကြတဲ့ ရိုးရာကစားနည်းတွေကိုလည်း ထပ်မံပြောပြပေးလိုက်ပါတယ်။

🎯 Tuho 투호 (မြှားပစ်ကစားနည်း): တိကျမှု၊ ကျွမ်းကျင်မှုနဲ့ မိတ်ဆွေစိတ်ဓာတ်

ဒီကစားနည်းကတော့ မြှားကို လေးနဲ့ ပစ်ရတာမျိုး မဟုတ်ဘဲ သေးငယ်တဲ့ ဘူးထဲကို ဝင်အောင် ပစ်ရတာ ဖြစ်ပါတယ်။ Tuho ဟာ ရှေးခေတ်ကတည်းက တိကျမှုနဲ့ ကျွမ်းကျင်မှုတို့အတွက် ပြုလုပ်ကြတဲ့ ကစားနည်းတစ်ခု ဖြစ်ပါတယ်။ 🎍 

တစ်ချိန်က ပြိုင်ပွဲဝင် အားကစားတစ်ခု ဖြစ်ခဲ့ပေမယ့်လည်း ယခုအခါမှာတော့ ဒီကစားနည်းကို မိသားစုတွေ၊ မိတ်ဆွေတွေ စုဝေးတဲ့အခါမှာ ပျော်ရွှင်မှုနဲ့ စည်းလုံးမှုကို ဖန်တီးပေးနိင်ဖို့ ဆော့ကစားကြပါတယ်။ အကွာအဝေးကို တိကျစွာ မှန်းဆနိုင်မှုနဲ့ မြှားပစ်လိုက်တဲ့အခါ ဝင်သွားအချိန်ဟာ မေ့မရနိုင်တဲ့ အခိုက်အတန့်တွေကို ဖန်တီးပေးပါတယ်။  မိတ်ဆွေတို့ရော မြှားပစ်ကြည့်ဖို့ အဆင်သင့်ဖြစ်ပြီလား။ ဒီလိုမျိုး ကစားနည်းတွေကို ကြိုက်ရင် ကစားဖြစ်အောင် ကစားကြပါ။  

🤼 Ssireum 씨름 (ကိုရီးယားနပန်း): ခွန်အား၊ သတ္တိနဲ့ ရိုးရာဓလေ့

Ssireum ဟာ ကိုရီးယားရဲ့ ရိုးရာ နပန်းကစားနည်း ဖြစ်ပါတယ်။ 💪 ခွန်အားကို အဓိက အသုံးပြုရတာကြောင့် ဒီအားကစားဟာ ခွန်အား၊ သတ္တိနဲ့ စိတ်ဓာတ်မာကျောမှုကို ပြသနေတဲ့ ကစားနည်း ဖြစ်ပါတယ်။ ဒီကစားနည်းကို ကြည့်ရှုတာဖြစ်စေ၊ ပါဝင်တာဖြစ်စေ၊ ကိုရီးယားနပန်းဟာ စိတ်လှုပ်ရှားဖွယ် ဖျော်ဖြေပွဲတစ်ခု ဖြစ်ပါတယ်။ 🏅 ဒါ့အပြင် ဘယ်သူအနိုင်ရမလဲ ရင်ခုန်စွာ ကြည့်နိုင်မှာ ဖြစ်ပါတယ်။  

🎉 ဒီကစားနည်းတွေကို ကစားပြီး ကိုရီးယားယဉ်ကျေးမှုကို ဂုဏ်ပြုပါ။

Tuho မှာ မြှားပစ်တာဖြစ်စေ၊ Yut Nori မှာ နည်းဗျူဟာကျကျ ဆော့တာဖြစ်စေ၊ Hwa Tu မှာ ကတ်ကစားရင်း ရိုးရာပုံပြင်တွေကို မျှဝေတာဖြစ်စေ၊ ဒီကစားနည်းတွေဟာ ကိုရီးယားရိုးရာဓလေ့တွေကို ခံစားဖို့ ထူးခြားတဲ့ နည်းလမ်းတစ်ခုကို ပေးပါတယ်။ 🇰🇷 ဒါကြောင့် ချစ်ရသူတွေနဲ့အတူ ကိုရီးယား ရိုးရာကစားနည်းတွေကို ကစားကြည့်လိုက်ပါ။ 🎊  

#Korea #traditional #game #entertainment