ကိုရီးယား Fish Cake မှာ နာမည်နှစ်မျိုးရှိပေမယ့် အတူတူပဲလား

ကိုရီးယားမှာ street food အဖြစ် အလွန်ရေပန်းစားတဲ့ fish cake ကို Eomuk soup အပါအဝင် ဟင်းမျိုးစုံအနေနဲ့ ပြုလုပ်လေ့ရှိကြပါတယ်။ Eomuk Bokkeum (어묵 볶음) ဆိုလဲ အိမ်တွေမှာ အဓိက အရံဟင်းဖြစ်ပြီး စားသောက်ဆိုင်တွေမှာလဲ အသုံးများပါတယ်။ ဒီနေ့မှာတော့ fish cake ရဲ့ သမိုင်းကြောင်းတချို့ကို ဗဟုသုတအနေနဲ့ တင်ပြပေးလိုက်ပါတယ်။
ကိုရီးယားရဲ့ နာမည်ကြီး Fish Cake တွေရဲ့ မူလအစ~
ကိုရီးယား Fish Cake မှာ 어묵 (Eomuk) နဲ့ 오뎅 (Odeng) လို့ နာမည်နှစ်မျိုးရှိပေမယ့် အတူတူပဲလား?
Fish Cake ကို သစ်သားချောင်းပေါ်မှာ ညှပ်ပြီး အငွေ့ပြန်နေတဲ့ ဟင်းရည်ထဲမှာ ပြုတ်ထားတာဆိုတော့ အေးတဲ့ရာသီတွေမှာ အစားများကြပါတယ်။
Odeng (오뎅) နဲ့ Eomuk (어묵) ဆိုပြီး နာမည်နှစ်ခုရှိပေမယ့် ဘာတွေ ကွာခြားချက်ရှိလဲဆိုရင်~
Fish Cake ဆိုတာ ငါးအသားကို ဂျုံမှုန့်နဲ့ဟင်းခတ်အမွှေးအကြိုင်များထည့်ကာ ဝါးချောင်းနဲ့ တုတ်ထိုးပြီး ချက်ပြုတ်ထားတဲ့ ဂန္တဝင်ကိုရီးယား‌အစားအစာတမျိုးဖြစ်ပါတယ်။ eomuk ကတော့ ကိုရီးယားစကားလုံးဖြစ်ပြီး ငါးကိုကြိတ်ချေပြီး အခြားအရာတွေကို ပေါင်းထည့်ကာ ပြုလုပ်ထားတဲ့ ငါးမုန့်ကို ခေါ်တာဖြစ်ပါတယ်။ Odeng ဆိုတာ ဂျပန်စကားမှ ပေါက်ဖွားလာတာဖြစ်ပါတယ်။ ဒီ Fish Cake ကတော့ ရှည်ရှည်နဲ့ပြားချပ်ချပ် အမျိုးအစားဖြစ်ပြီး အခြား ဟင်းသီးဟင်းရွက်တွေ၊ ကြက်ဥတွေနဲ့ ချက်ပြုတ်ထားပါတယ်။ Odeng ဆိုတဲ့ စကားလုံးဟာ ဂျပန် Odeng နဲ့လဲ ဆက်စပ်နေတယ်လို့ ယူဆကြပါတယ်။
odeng ကို ဂျပန်ဘာသာကနေ တီထွင်ထားတ့ စကားလုံးဖြစ်တယ်လို့ ပြောကြပေမယ့် fish cake ဟာ ကိုရီးယား (ဂျိုးဆွန်ခေတ်)၊ ဂျပန် (ဟဲယန်ခေတ်) နဲ့ တရုတ် (ချင်မင်းဆက်) တို့ရဲ့ သမိုင်းမှတ်တမ်းတွေမှာ တစေ့တစောင်း ပါရှိပါတယ်။ ငါးကို ကြိတ်ချေတဲ့ ဟင်းချက်နည်းမျိုးနဲ့ ပတ်သက်လာရင် ဘီစီ ၃ ရာစုက တရုတ်နိုင်ငံ Qin မင်းဆက်ကို စခဲ့တယ်လို့ ယူဆနိုင်ပါတယ်။ ထိုအချိန်က Qin Shihuang ဟာ ငါးကို အလွန်ကြိုက်ပေမယ့် ငါးအရိုးများတွေက အတော်လေး ဒုက္ခပေးပါတယ်။ စားဖိုမှူးက Qin Shihuang စားတဲ့ ငါးဟင်းလျာကို လုပ်တိုင်း ငါးအရိုးအားလုံးကို မဖယ်ရှားနိုင်ရင် စားဖိုမှူးကို ကွပ်မျက်ဖို့ အမိန့်ပေးပါတယ်။ ထိုအခါ စားဖိုမှူးက ငါးကို အရိုးရော အသားကိုပါ ဓားဖြင့်ခုတ်ပြီး ခုတ်ထားတဲ့ငါးကို ဖက်ထုပ်လုပ်ပြီး ဟင်းချိုလုပ်ကာ Qin Shihuang ထံဆက်သပါတယ်။ နောက်ပိုင်းတော့ ဟင်းချက်နည်းဟာ လူထုထံ ပျံ့နှံ့သွားပြီး fish cake က စတင်မွေးဖွားခဲ့ပါတယ်။
တောင်ကိုရီးယားနိုင်ငံ၏ အစောဆုံးသမိုင်းဝင် စာရွက်စာတမ်းများ ကိုရီးယားနိုင်ငံ Sukjong (1719) တုန်းက saengseon sukpyeon (생선숙편) လို့ခေါ်တဲ့ ဟင်းကို အသား၊ ပဲငံပြာရည်၊ ပဲဆီ၊ ကစီဓာတ် အစရှိတာနဲ့ ပြုလုပ်ထားတဲ့ ဟင်းတစ်မျိုးဖြစ်ကြောင်း Jinyounuigue (진연의궤) တွင် ဖော်ပြခဲ့ပါ။ ဒီဟင်းကိုတော့ ကိုရီးယားရဲ့ အစောဆုံး fish cake လို့ယူဆနိုင်ပါတယ်။
ကိုရီးယားမှာ ငါးကိတ်က ဘာကြောင့် အရမ်းခေတ်စားလာတာလဲ?
ဂျပန်ကိုလိုနီခေတ်အတွင်း ဘူဆန်၊ မိုကပိုနှင့် တောင်တရုတ်ပင်လယ်တို့ကို ဂျပန်လူမျိုးများ သိမ်းပိုက်ခဲ့ကြပါတယ်။ အဲဒီဒေသမှာရှိတဲ့ စက်ရုံတော်တော်များများက ဂျပန်လူမျိုးတွေ ကြိုက်တဲ့ (fish ball)ငါးအသားလုံးကို လုပ်ကြပါတယ်။ ကိုရီးယားဟာ ဂျပန်လက်အောက်မှ လွတ်မြောက်လာပြီးနောက်တွင် ဒီငါးအသားလုံးနဲ့ fish cake လုပ်ငန်းတွေကို ဆက်လက်လုပ်ကိုင်ရမှ fish cake ဟာ ဘူဆန်ကို ကိုယ်စားပြုတဲ့ အစားအစာတခု ဖြစ်လာခဲ့ပါတယ်။
ကိုရီးယားစစ်ပွဲအပြီးတွင် တောင်ကိုရီးယားရဲ့ အစားအစာထုတ်လုပ်မှုမှာ မလုံလောက်ဘဲ အငတ်ဘေးကြုံရပြီး လူအများစုဟာ ပရိုတင်းဓာတ် ချို့တဲ့ကာ ဟင်းသီးဟင်းရွက်တွေကိုသာ စားနိုင်ခဲ့ကြပါတယ်။ စျေးပေါတဲ့ငါးကို ပါးပါးလှီးပြီး ဂျုံမှုန့်ဖြင့်ရောပြီးနောက် ချက်လိုက်တဲ့အခါ ပရိုတိန်းပါ၀င်တဲ့ ဟင်းတစ်ခွက်ရပြီဖြစ်ပါတယ်။
တောင်ကိုရီးယားနိုင်ငံရှိ မြန်မာနိုင်ငံသားများနဲ့ အခုမှ လာရောက်မယ့်သူများ အားလုံးအတွက် အဆင်ပြေချောမွေ့စေဖို့ MyanGoal ကအဆင်သင့်ရှိနေပါတယ်။📱 တယ်လီကွန်း, 📚 ပညာရေး, 🌍 ခရီးသွား, 🛒 ဈေးဝယ်မှု, 🍽️ လုပ်စရာများနှင့် စားစရာများကို ရှာဖွေတွေ့ရှိဖို့ MyanGoal ကို ယုံကြည်လိုက်ပါ။ အခုဘဲ MyanGoal ထဲကို လာရောက်ကြည့်ရှုပြီး တောင်ကိုရီးယားနိုင်ငံရဲ့ အကောင်းဆုံး အတွေ့အကြုံကို စတင်ခံစားလိုက်ပါ!