Apple ရဲ့ နှစ်စဉ် ကျင်းပလေ့ရှိတဲ့ iPhone Event ကြီး ပြီးဆုံးသွားခဲ့ပြီ ဆိုပေမဲ့ သတင်းထွက်ချက်တွေအရ ဒီနှစ် မကုန်ခင်မှာ မိတ်ဆက်ပေးသွားဖို့ Product တွေ အများကြီး ကျန်ရှိနေပါသေးတယ်။
ဒီနှစ်ထဲမှာ Apple ဘက်ကနေ အောက်ပါ Product ၈ ခုကို မိတ်ဆက်လာနိုင်ခြေရှိပြီး MacBook Pro with OLED display ကတော့ ၂၀၂၇ စတင်ပိုင်းမှ ရောက်ရှိလာနိုင်ပါတယ်။ ဒီလောက် Product အများကြီး ထွက်ဖို့ ကျန်နေသေးတာကြောင့် Apple အနေနဲ့ လာမယ့် အောက်တိုဘာလမှာ Event တစ်ခု ထပ်မံ ပြုလုပ်ဖွယ် ရှိနေပါတယ်။
iPad
iPad mini: A19 Pro သို့မဟုတ် A20 Pro chip၊ OLED display၊ အပေါက်တွေ မပါတော့တဲ့ speaker system အသစ်နဲ့ water-resistant design တို့ ပါဝင်လာမှာပါ။ Apple ဟာ A20 Pro chip ကို ဒီအပတ်ထဲမှာပဲ iPhone 18 Pro၊ iPhone 18 Pro Max နဲ့ iPhone Duo တို့မှာ စတင် မိတ်ဆက်ခဲ့တာ ဖြစ်ပါတယ်။
Mac
iMac: M6 chip နဲ့ Color ရွေးချယ်စရာ အသစ်တွေ ပါဝင်လာပါမယ်။ Apple က M6 chip ကို ပြီးခဲ့တဲ့လကမှ ကြေညာထားခဲ့တာပါ။
MacBook Pro: M6 chip ပါဝင်မယ့် 14-inch MacBook Pro base model အသစ် ထွက်ရှိလာမှာပါ။
MacBook Pro/MacBook Ultra with OLED display: ၂၀၂၆ နှောင်းပိုင်း သို့မဟုတ် ၂၀၂၇ စတင်ပိုင်းမှာ မြင်တွေ့ရမယ့် Major MacBook Pro redesign ဖြစ်ပါတယ်။ M5 Pro နဲ့ M5 Max chips၊ OLED display၊ touch screen၊ Dynamic Island နဲ့ ပိုမို ပါးလွှာတဲ့ design တွေ ပါဝင်လာမှာပါ။ MacBook Ultra လို့ အမည်ပေးလာနိုင်တယ်လို့ သတင်းထွက်နေတဲ့ ဒီ laptop ပေါ်မှာ macOS 27 ဟာ touch-friendly interface ကို ထောက်ပံ့ပေးသွားမယ်လို့ မျှော်လင့်ရပါတယ်။ သေချာမှု နည်းပါသေးပေမဲ့ ပြီးခဲ့တဲ့လကမှ စတင် မိတ်ဆက်ခဲ့တဲ့ M5 Ultra chip နဲ့ပါ MacBook Ultra ကို Configure လုပ်နိုင်မယ်လို့ ပြောဆိုနေကြပါတယ်။
Home
Apple TV: အနည်းဆုံး Feature အသစ် ၅ ခု ပါဝင်လာမှာဖြစ်ပြီး အဲဒါတွေကတော့ A17 Pro chip (သို့မဟုတ် ထက်ပိုသစ်သည့် chip)၊ Apple Intelligence အတွက် တိုးမြှင့်ထားတဲ့ 8GB RAM၊ Siri AI support၊ Wi-Fi 7 ပါဝင်တဲ့ Apple-designed N1 chip နဲ့ အဆင့်မြှင့်ထားတဲ့ Siri Remote တို့ဖြစ်ပါတယ်။ ဒီဇိုင်းပိုင်း အကြီးစား ပြောင်းလဲမှု မရှိဘဲ လက်ရှိ မော်ဒယ်နဲ့ပဲ ဆင်တူနေဦးမှာပါ။
HomePod mini: Siri AI support ပါတဲ့ chip အသစ်၊ ပိုမိုကောင်းမွန်တဲ့ sound quality၊ Wi-Fi 7 ပါတဲ့ Apple N1 chip၊ ဒုတိယမျိုးဆက် Ultra Wideband chip နဲ့ အနီရောင်လိုမျိုး Color အသစ်တွေ ပါဝင်လာနိုင်ပါတယ်။ ဒီဇိုင်းကတော့ လက်ရှိ မော်ဒယ်အတိုင်း ရှိနေဦးမှာပါ။
Home Hub: Siri AI၊ ၆ လက်မမှ ၇ လက်မအထိ စတုရန်းပုံ display၊ Apple Intelligence အတွက် A18 chip (သို့မဟုတ် ထက်ပိုသစ်သည့် chip)၊ FaceTime စတာတွေ ပါဝင်လာမယ့် smart home hub အသစ်စက်စက် ဖြစ်ပါတယ်။ နာရီဒီဇိုင်းတွေ၊ widgets တွေ ပါဝင်မယ့် operating system အသစ်တစ်ခု ပါဝင်လာမှာဖြစ်ပြီး စပီကာပါတဲ့ စားပွဲတင် ဗားရှင်းနဲ့ နံရံကပ် ဗားရှင်းဆိုပြီး တွေ့ရနိုင်ပါတယ်။
Headphones
Beats 360: AirPods Max နဲ့ ဆင်တူတဲ့ ဒီဇိုင်း၊ လဲလှယ်လို့ရတဲ့ ear cushions နဲ့ headbands၊ Beats Studio Pro ထက် ၁.၇၅ ဆအထိ ပိုမိုကောင်းမွန်တဲ့ noise cancellation၊ IPX4-rated water resistance တို့ ပါဝင်မယ့် over-ear Beats 360 headphones အသစ် ဖြစ်ပါတယ်။ Apple အနေနဲ့ စက်တင်ဘာလ မကုန်မီမှာပဲ Beats 360 ကို တရားဝင် ကြေညာသွားဖို့ များပါတယ်။
