Part 2 / Busan က စျေးဝယ်ဖို့ အကောင်းဆုံးနေရာများ

—

by

Milo Kevin
in
ဒီနေ့မှာတော့ ကျန်နေသေးတဲ့ Busan က စျေးဝယ်ဖို့ အကောင်းဆုံးနေရာတွေ ဖြစ်တဲ့ Gwangbokro Culture and Fashion Street၊ Haeundae Rodeo လမ်း၊ Pusan National University Shopping Street၊ Paradise Duty Free တို့အကြောင်းကို တင်ဆက်ပေးလိုက်ပါတယ်။

Gwangbokro Culture and Fashion Street
Gwangbokro Culture and Fashion Street ကတော့ ဆိုးလ်မြို့ရဲ့ Myeongdong၊ Hongdae တို့နဲ့ ဆင်တူတဲ့ ဘူဆန်ရဲ့ နာမည်ကြီးလမ်းတစ်ခု ဖြစ်ပါတယ်။ Nampo ဘူတာ (လိုင်း 1၊ ထွက်ပေါက် 7) ကနေ 5 မိနစ်လောက် လမ်းလျှောက်ရင်ရပါတယ်။ အဝတ်အစား၊ အသုံးအဆောင်တွေ၊ ဖိနပ်တွေနဲ့ အီလက်ထရွန်းနစ်ပစ္စည်းမျိုးစုံကို ရောင်းချပေးနေတဲ့ ဆိုင်များစွာကို တွေနိုင်ပါတယ်။ လူကြိုက်များတဲ့ နာမည်ကြီး အမှတ်တံဆိပ်တွေကို လျှော့စျေးတွေနဲ့ ရနိုင်သလို တစ်ပတ်ရစ် အဝတ်အထည်ဆိုင်တွေမှာလည်း စျေးသက်သက်သာသာ နဲ့ရရှိနိုင်ပါတယ်။ Gwangbokro လမ်းမှာ အရသာရှိတဲ့ စားသောက်ဆိုင်တွေ၊ trend ဖြစ်တဲ့ ကော်ဖီဆိုင်များစွာလဲ ရှိပါတယ်။ မြည်းစမ်းသင့်တဲ့ ဒေသထွက် အစားအသောက်တွေဖြစ်တဲ့ ဂျုံခေါက်ဆွဲ ( milmyeon ) ၊ ခေါက်ဆွဲအစပ် ( bibim dangmyeon ) နဲ့ အစေ့အဆန်တွေနဲ့ အရသာချိုချိုလေး ပြုလုပ်ထားတဲ့ ကိုရီးယားပန်ကိတ် ( ssiat hotteok ) လိုမျိုးတို့ကို မြည်းစမ်းကြည့်သင့်ပါတယ်။ အနီးနားမှာလဲ အထင်ကရနေရာတွေဖြစ်တဲ့ Yongdusan Park၊ Gukje စျေး နဲ့ BIFF Square တို့လဲ ရှိပါတယ်။

တည်နေရာ- 72-1၊ Gwangbok-ro၊ Jung-gu၊ Busan၊ တောင်ကိုရီးယား

Haeundae Rodeo လမ်း
Haeundae Rodeo လမ်းကတော့ အဆင့်မြင့် စျေးဆိုင်များနှင့် အလှပြင်ဆိုင် ၇၀ ကျော်ရှိတဲ့အပြင် ဖက်ရှင်ကျတဲ့ ဒေသခံလူငယ်တွေနဲ့ စည်ကားလေ့ရှိပါတယ်။ အစားအသောက်မျိုးစုံကို ရနိုင်တဲ့ စားသောက်ဆိုင်တွေနဲ့ ချစ်စရာ ကော်ဖီဆိုင်တွေကိုလည်း တွေ့နိုင်ပါတယ်။ စျေးသက်သာပြီး စတိုင်ကျတဲ့ စတိုးဆိုင်တွေကို ရှာဖွေနေရင်လဲ Haeundae Rodeo Street မှာ off-season ပစ္စည်းတွေကို 20% ကနေ 70% အထိ လျှော့စျေးနဲ့ရနိုင်တဲ့ ဧရိယာတစ်ခု ဖြစ်ပါတယ်။

တည်နေရာ- 473 Jwadongsunhwan-ro၊ Jung-dong၊ Haeundae-gu၊ ဘူဆန်၊

Pusan National University Shopping Street
Pusan National University Shopping Street က ဈေးဆိုင်တွေကတော့ လူငယ်တွေကို ဆွဲဆောင်နိုင်တဲ့ အဝတ်အစားတွေနဲ့ အသုံးအဆောင်တွေကို ရရှိနိုင်ပါတယ်။ ဒီစျေးလမ်းဟာ သင့်တင့်တဲ့ စျေးနှုန်းနဲ့ စတိုင်ကျတဲ့ ၀တ်စုံတွေကို ရနိုင်တာကြောင့် လူသိများပါတယ်။ Busan National University မြေအောက် ရထားဘူတာကနေ Busan National University ကို လမ်းလျှောက်တဲ့အခါ နိုင်ငံတကာ streetwear အမှတ်တံဆိပ်တွေကနေ ဈေးသက်သာပြီး နာမည်ကြီး အမှတ်တံဆိပ်မဟုတ်တဲ့ အဝတ်အစားတွေအထိ ဒီလမ်းတလျှောက် အရရောင်းချနေတဲ့ ဆိုင်တန်းတွေကို တွေ့နိုင်မှာဘဲ ဖြစ်ပါတယ်။

တည်နေရာ- 247-6 Geumgang-ro၊ Geumjeong-gu၊ Busan၊ တောင်ကိုရီးယား

Paradise Duty Free
Paradise Duty Free ကလဲ ပစ္စည်းတွေကို စျေးသက်သက်သာသာတဲ့ လျှော့စျေးတွေနဲ့ ရနိုင်တဲ့ နေရာတစ်ခု ဖြစ်ပါတယ်။ ဒီဆိုင်မှာ အဝတ်အထည်၊ ရေမွှေး၊ သားရေအိတ်တွေ၊ လက်ဝတ်ရတနာနဲ့ အသုံးအဆောင်ပစ္စည်းတွေကို ရောင်းချနေပြီး ဘူဆန်မြို့လယ်ခေါင်ရှိ စတိုးဆိုင်များစွာထဲကမှ သင့်တင့်တဲ့ စျေးနှုန်းတွေနဲ့ ရနိုင်တဲ့ စတိုးဆိုင်တစ်ခု ဖြစ်ပါတယ်။ Paradise Duty Free ဆိုင်မှာတော့ အထပ် ၄ ထပ်ရှိပြီး Hugo Boss၊ Burberry နဲ့ Missoni တို့လို နိုင်ငံတကာ အမှတ်တံဆိပ်ဆိုင်တွေပါ ရှိပါတယ်။ ဝယ်ယူထားတဲ့ ပစ္စည်းတွေကို လေဆိပ် departure ဂိတ် ဒါမှမဟုတ် လေယာဉ်ပေါ်ကို တခါတည်း ပို့ဆောင်ဖို့လဲ စီစဉ်နိုင်ပါတယ်။
တည်နေရာ- Haeundae-gu၊ Jung-dong 1128-78၊ ဘူဆန်၊ တောင်ကိုရီးယား
ဖွင့်ချိန်- နေ့စဉ် နံနက် ၉း၃၀ မှ ည ၇ နာရီအထိ

#busan #myangoal #shopping #korea #Myanmar #markets

Comments

Leave a Reply

Latest