Niacinamide က ဘယ်လို အသားအရေ အမျိုးအစားအတွက် ကောင်းလဲ။

—

by

Milo Kevin
in
Niacinamide ပါတဲ့ အသားအရေထိန်းသိမ်းတဲ့ ပစ္စည်းတွေကို သုံးတဲ့အခါမှာ ဘယ်လို အသားအရေ အမျိုးအစားအတွက် ကောင်းမလဲ ? Niacinamide သုံးရင်ရော အရေပြား ပြဿနာတွေ သက်သာဖို့ ဘယ်လောက်ကြာမလဲ သိချင်ကြတဲ့ သူတွေအတွက် ဒီနေ့မှာတော့ ကျွန်တော်တို့ MyanGoal ကနေပြီးတော့
တင်ဆက်ပေးလိုက်ပါတယ်။

Niacinamide ဟာ အမည်းစက်တွေ၊ ဝက်ခြံအမာရွတ်တွေကို ပျောက်ကင်းစေသလား။
Niacinamide ဟာ အစွမ်းထက်တဲ့ antioxidant ပစ္စည်းတစ်မျိုးဖြစ်ပြီး အသားအရည်ကို ပိုမိုကောင်းမွန်စေကာ အသားအရောင်ကွဲခြင်း၊ ဝက်ခြံအမာရွတ်တွေနဲ့ အမဲစက်တွေကို လျှော့ချပေးတာကြောင့် ပိုမိုညီညာတဲ့ အသားအရေကို ရရှိစေပါတယ်။ လေ့လာမှုတွေအရ nicotinamide ဟာ တင်းတိပ်ကိုလည်း ထိရောက်စွာ တိုက်ဖျက်နိုင်ပါတယ်။

Niacinamide က ဘယ်လို အသားအရေ အမျိုးအစားအတွက် ကောင်းလဲ။ Niacinamide ကတော့ အသက်အရွယ် မ‌ရွေး၊ အသားအရေ အမျိုးအစား အများစုအတွက် အသားအရေထိန်းသိမ်းမှု လုပ်တဲ့အခါမှာ အကျိုးကျေးဇူးများစွာ ရရှိစေပြီး ဘက်စုံလုပ်ဆောင်နိုင်တဲ့ ပါဝင်ပစ္စည်းတစ်ခု ဖြစ်ပါတယ်။ ဒီပါဝင်ပစ္စည်းရဲ့ မတူညီတဲ့ အကျိုးကျေးဇူးကြောင့် အသားအရေ အမျိုးအစားအလိုက် အကျိုးပြုနိုင်တာကြောင့်လဲ ဖြစ်ပါတယ်။

အဆီပြန်တတ်တဲ့ အသားအရေရှိရင်လဲ အဆီပိုတွေ ထုတ်လုပ်တာကို လျှော့ချပေးနိုင်ပါတယ်။ သဘာဝအတိုင်း ရောင်ရမ်းမှုကို ဆန့်ကျင်ပေးတဲ့အတွက်ကြောင့် ယားယံတတ်တဲ့ အသားအရေကို သက်သာစေတဲ့အပြင် sensitive အသားအရေရှိသူတွေနဲ့ ဝက်ခြံပေါက်နေသူတွေအတွက် အထူးသင့်လျော်ပါတယ်။

အသားအရေ ခြောက်သွေ့တတ်တဲ့ သူတွေအတွက်လဲ ပတ်ဝန်းကျင်ကြောင့် အရေပြားက အစိုဓာတ်တွေ အငွေ့ပျံခြင်းကို တားဆီးပေးပြီး အရေပြားထဲ ရေဓာတ်ကို မြှင့်တင်ပေးနိုင်တဲ့ အကျိုးကျေးဇူးတွေကို ရရှိနိုင်ပါ။ Vitamin B3 ဟာ အစက်အပြောက်တွေကို သက်သာစေပြီး ရေရှည်အသုံးပြုခြင်းဖြင့် အရေးအကြောင်းတွေကို လျော့ပါးစေပြီး အိုမင်းရင့်ရော်မှုတွေကို ထိန်းသိမ်းချင်သူတွေအတွက် အကောင်းဆုံးရွေးချယ်မှုတစ်ခုလည်း ဖြစ်ပါတယ်။

Niacinamide ရဲ့ အစွမ်းအာနိသင်ပြဖို့ ဘယ်လောက်ကြာမလဲ။
ဒါကတော့ အသုံးပြုတဲ့ထုတ်ကုန်၊ အသုံးပြုထားတဲ့ ဖော်မြူလာတွေ အပေါ် မူတည်ပါတယ်။ အသေးစား အရေပြား ပြဿနာတွေအတွက် နှစ်ပတ်အတွင်း သိသာထင်ရှားတဲ့ လက္ခကာကို သတိပြုမိပါလိမ့်မယ်။ ပြင်းတန်တဲ့ အရေပြား ပြဿနာတွေအတွက်ကတော့ ရလဒ်တွေဟာ ၈ ပတ်ကနေ ၁၂ ပတ်အထိ ကြာနိုင်ပါတယ်။

#myangoal #cosmetics #shopping #Niacinamide #Korea #skincare #Myanmar

Comments

Leave a Reply

Latest