ကမ္ဘာ့ထိပ်တန်း ကျူးလစ်ပန်းပွဲတော်တွေထဲက တစ်ခုဖြစ်တဲ့ Taean Tulip ပွဲတော်

—

by

Milo Kevin
in
Taean Tulip ပွဲတော်အကြောင်း
Taean Tulip Festival ကတော့ ကမ္ဘာ့ထိပ်တန်း Tulip ပွဲတော် ၅ ခုထဲက တစ်ခုဖြစ်ပြီး ကျူးလစ်မျိုးစိတ်ပေါင်း ၃၀၀ ကျော်ကိုလဲ တွေ့မြင်နိုင်မှာ ဖြစ်ပါတယ်။ ဒီပွဲတော်ကိုတော့ ဧပြီလနဲ့မေလမှာ ကျင်းပပြုလုပ်တာဖြစ်ပြီး Taean ဧရိယာကို သွားရောက်လည်ပတ်ရင်း Kkotji Beach Park မှာ ရောင်စုံ tulip တွေကိုခံစားဖို့ အကောင်းဆုံးအချိန်ဖြစ်ပါတယ်။ ဒီပန်းခြံမှာ ကျူးလစ်ပန်းတွေ လှပစွာပွင့်နေတာကို ပင်လယ်ရဲ့ ရင်သပ်ရှုမောဖွယ်မြင်ကွင်းနဲ့အတူ ခံစားနိုင်မှာ ဖြစ်ပါတယ်။

ပွဲတော်ရက်စွဲ- ဧပြီလ 11 ရက်2025 ခုနှစ်မှာ စတင်ကျင်းပမှာ ဖြစ်ပါတယ်။
တည်နေရာ- Kkotji ကမ်းခြေပန်းခြံ၊ Taean၊ Chungcheong-nam-do (တောင်ကိုရီးယား၏အနောက်အလယ်ပိုင်း)

Top 4 Highlights of Taean Tulip & Light Festival
လက်မလွှတ်သင့်တဲ့ ပွဲတော်ရဲ့ အဓိက activities လေးခုကတေ့

နံပါတ် 1. Tulips ပန်းတွေရဲ့ လှပတဲ့ အရောင်အသွေးနဲ့အတူ အမိုက်စား ဓာတ်ပုံတွေကို ရိုက်ပါ။
ဒီလိုအမိုက်စား ဓာတ်ပုံတွေ ရိုက်ဖို့အတွက်ဆို Taean ကို ညနေ 4 နာရီဝန်းကျင်လောက် ရောက်အောင်သွားတာ အကောင်ဆုံးဖြစ်ပါတယ်။ ပွဲတော်ကာလ (ဧပြီလလယ်မှ မေလလယ်အထိ) နေရောင်ဝင်တာလဲ နည်းနည်းကြာတတ်တာတဲ့အပြင် ရာသီဥတုကလဲ ဓာတ်ပုံရိုက်ဖို့ မဆိုးပါဘူး။ ပွဲတော်ကျင်းပရာနေရာကို ဝင်လာတာနဲ့ သန်းပေါင်းများစွာ ပွင့်လန်းနေတဲ့ ကျူးလစ်ပန်းတွေရဲ့ ရင်သပ်ရှုမောရှုခင်းကို တွေ့မြင်ရမှာပါ။ ဓာတ်ပုံလှလှလေးတွေ ရိုက်ကူးဖို့အတွက်လဲ ရှုခင်းမျှော်စင်တွေလဲ များစွာရှိပါတယ်။ ဒါ့အပြင် လေရဟတ် ရှုခင်းမျှော်စင်တွေ ရှိတာမလို့ နယ်သာလန်နိုင်ငံကို ရောက်သွားသလိုလဲ ခံစားနိုင်မှာ ဖြစ်ပါတယ်။ ကျူးလစ်ပန်းတွေအပြင် canola ပန်းတွေနဲ့ ထန်းပင်တို့လို တခြားပန်းအမျိုးအစားတွေလည်း ရှိပါသေးတယ်။

နံပါတ် 2။ ပွဲတော်က ကျင်းပတဲ့ activities & events တွေကိုလဲ ခံစားကြည့်ပါ။
Tulips ပန်းတွေနဲ့ ဓာတ်ပုံကောင်းကောင်း ရိုက်ပြီးရင်တော့ မျက်နှာပန်းချီတွေ၊ ရုပ်ပြောင်တွေ၊ ကိုယ်ပိုင် herbarium ဖောင်တိန်တွေ ပြုလုပ်ခြင်းစတဲ့ ပျော်ရွှင်စရာ activities တွေကို လုပ်ကြည့်ဖို့ မမေ့ပါနဲ့။ ဒါ့အပြင် ယဉ်ကျေးမှုအနုပညာ ဖျော်ဖြေပွဲတွေနဲ့ မီးရှူးမီးပန်းဖောက်တာတွေကိုလဲ ကြည့်ရှုနိုင်ပါသေးတယ်။ တိရစ္ဆာန်တွေကို ကိုယ်တိုင် အစာကျွေးနိုင်တဲ့ မွေးမြူရေးခြံတွေလည်း ရှိပါတယ်။ ဒီနေရာမှာ ဒေါင်း၊ ဆိတ်၊ ယုန်တွေကို ကိုယ်တိုင် အစားကျွေးလို့ ရနိုင်ပါတယ်။

နံပါတ် ၃။ Sunset on the rooftop
light festival မစခင် ခဏလောက် အပန်းဖြေချင်ရင်တော့ ပင်မဂိတ်တံခါးနားက “A Cafe With a Good View” လို့ခေါ်တဲ့ ကော်ဖီဆိုင်ကို အကြံပြုပါတယ်။ ဒီကဖေးမှာ အဓိကလုပ်ရမှာကတော့ ခေါင်မိုးပေါ်တက်ပြီး Kkotji ကမ်းခြေရဲ့ လှပတဲ့ ရှုခင်းနဲ့ နေဝင်ချိန်ကို ကြည့်ဖို့ပါပဲ။

နံပါတ် ၄။ The Light Festival
နေ့ခင်းဘက်ရဲ့ အထင်ရှားဆုံးက ကျူးလစ်ပန်းဆိုရင် ညဘက်အချိန်မှာကတော့ light festiva ပဲ ဖြစ်ပါတယ်။ နေဝင်သွားရင်တော့ ဒီ tulip ဥယျာဉ်ဟာ လင်းလက်တောက်ပတဲ့ မီးရောင်စုံ ထွန်းညှိထားတဲ့ ဥယျာဉ်အဖြစ်ကို ပြောင်းလဲသွားပါတယ်။ ကောင်းကင်ပေါ်မှာ လင်းလက်နေတဲ့ ကြယ်ရောင်တွေနဲ့ မြေပြင်ပေါ်က မီးရောင်တွေနဲ့ ပင်လယ်ပြင်ကြီးကို ကြည့်ရင်း စိတ်ကူးယဉ်ကမ္ဘာထဲရောက်နေသလို ခံစားရမှာပါ။

#festival #tulip #TaeanTulip #thingstodo #korea #myanmar #myangoal

Comments

Leave a Reply

Latest