တောင်ကိုရီးယားက နာမည်ကြီး လူသွားများတဲ့ အပန်းဖြေဥယျာဥ် 8 ခု

—

by

Milo Kevin
in
တောင်ကိုရီးယားမှာ အားလပ်ရက်တွေရတဲ့အခါ စိတ်လှုပ်ရှားစရာကောင်းတဲ့ အပန်းဖြေဥယျာဉ်တွေကို သူငယ်ချင်း ဒါမှမဟုတ် မိသားစုနဲ့ ဖြစ်ဖြစ် သွားကြပါတယ်။ ဒီနေ့မှာတော့ ကိုရီးယားရောက်မြန်မာတွေအတွက် အားလပ်ရက်ရတဲ့အခါ သွားဖို့ စိတ်လှုပ်ရှားစရာ ရိုလာကိုစတာလို စီးစရာတွေရှိတဲ့ အပန်းဖြေဥယျာဉ်တွေ၊ ပူအိုက်တဲ့ နွေရာသီလိုကာလတွေမှာ အပူရှောင်ဖို့အတွက် ရေပန်းဥယျာဉ်တွေ အကြောင်းကို ပြောပြပေးသွားပါမယ်။ ကျွန်တော်တို့ MyanGoal-Travel ကနေ တောင်ကိုရီးယားက နာမည်ကြီး လူသွားများတဲ့ အပန်းဖြေဥယျာဥ် 8 ခု ကိုဖော်ပြပေးသွားမှာမလို့ စိတ်ဝင်စားတယ်ဆိုရင်တော့ ဆက်ပြီးဖတ်ကြည့်ကြည့်လိုက်ပါ။

1.Lotte World
ဒီအပန်းဖြေဥယျာဉ်ကတော့ ကိုရီးယားကို လာရောက်လည်ပတ်သူတိုင်း လာလေ့ရှိတဲ့ နာမည်ကြီး နေရာဖြစ်ပါတယ်။ Lotte World ဟာ သာမန် အပန်းဖြေဥယျာဉ်တစ်ခု မဟုတ်ဘဲ ကမ္ဘာ့အကြီးဆုံး မိုးလုံလေလုံ အပန်းဖြေဥယျာဉ်၊ “Magic Island” လို့ နာမည်ပေးထားတဲ့ outdoor အပန်းဖြေဥယျာဉ်၊ monorail နဲ့ချိတ်ဆက်ထားတဲ့ လူလုပ် ရေကန်နဲ့ ကျွန်းအတု အပြင် တခြား စူးစမ်းလေ့လာစရာ များစွာရှိတဲ့ နေရာဘဲဖြစ်ပါတယ်။ Lotte World အတွင်းမှာ စျေးဝယ်ထွက်ဖို့ ရှော့ပင်းမောလ်တွေတောင် ရှိပါတယ်။

2.Everland
Everland ကတော့ ကိုယ်ပိုင်တိရစ္ဆာန်ဥယျာဉ်နဲ့ ရေပန်းဥယျာဉ်ပါရှိတဲ့ ကိုရီးယားနိုင်ငံရဲ့ အကြီးဆုံး အပန်းဖြေဥယျာဉ်ဖြစ်ပါတယ်။ ဒီအပန်းဖြေဥယျာဉ်မှာ ရိုလာကိုစတာ ငါးစင်းရှိပြီး အဲ့ထဲက တစ်ခုကတော့ ကမ္ဘာ့အမတ်စောက်ဆုံး သစ်သားရိုလာကိုစတာအဖြစ် စံချိန်တင်ထားပါတယ်။ ဒီရိုလာကိုစတာဟာ တောင်ကိုရီးယားနိုင်ငံရဲ့ အမြင့်ဆုံး၊ အမြန်ဆုံးနဲ့ အရှည်ဆုံးလဲ ဖြစ်ပါတယ်။ ဒါကြောင့် ဒီလိုစိတ်လှုပ်ရှားစရာ ရိုလာကိုစတာလိုမျိုးတွေ စီးချင်ရင်တော့ Everland က တော်တော်မိုက်ပါတယ်။ Everland မှာ ကမ္ဘာ့အကြီးဆုံး မိုးလုံလေလုံ indoor, outdoor ရေပန်းဥယျာဉ်ဖြစ်တဲ့ Caribbean Bay Water Park လဲရှိပါတယ်။

3.Seoul Land
ဒီကစားကွင်းကတော့ မိသားစုလိုက် အပန်းဖြေဖို့ အလာများပြီး “Fantasy Land”, “Tomorrow Land”, နဲ့ “Adventure Land တို့လို ဧရိယာအမျိုးမျိုး ရှိပါတယ်။ ကစားတွေမှာ လူကြိုက်များပြီး နာမည်ကြီးတဲ့ ကစားနည်းတွေဖြစ်တဲ့ တိုက်ကားတွေ၊ ရိုလာကိုစတာတွေနဲ့ ပင်လယ်ဓားပြသင်္ဘောတွေအထိ ကိုယ်ကြိုက်နှစ်သက်ရာ ကစားနိုင်ပါတယ်။ ဒါ့အပြင် Seoul Land မှာ ကိုရီးယားနိုင်ငံရဲ့ အကြီးဆုံး ရုက္ခဗေဒ ဥယျာဉ်နဲ့ တိရစ္ဆာန်ရုံ တို့ကို တည်ဆောက်ထားပါသေးတယ်။

4.E-World
Daegu မြို့မှာရှိတဲ့ ဒီပန်းခြံဟာ Woobang Tower အနီးမှာ တည်ဆောက်ထားတာဖြစ်ပါတယ်။ ဒီပန်းခြံမှာလဲ မတူညီတဲ့ ပန်းခြံဧရိယာ လေးခု ပိုင်းခြားထားပြီး Fantasy World၊ Magic World၊ Adventure World နဲ့ Dynamic World တို့ဖြစ်ပါတယ်။ ဒီပန်းခြံမှာလဲ စိတ်လှုပ်ရှားစရာ စီးစရာတွေ၊ ပြပွဲတွေနဲ့ ဖျော်ဖြေရေးတွေလဲ များစွာ ရှိတာကြောင့် Daegu မြို့မှာနေတဲ့ မြန်မာတွေအတွက် အားလပ်ရက် အပန်းဖြေစရာ‌‌ ‌နေရာကောင်းတခု ဖြစ်ပါတယ်။

နောက်ထပ်ကျန်နေသေးတဲ့ အပန်းဖြေဥယျာဉ်တွေကိုတော့ နောက်ရက်ကျရင် ကျွန်တော်တို့ MyanGoal-Travel ကနေ တင်ဆက်သွားမှာမလို့ ဘယ်အပန်းဖြေဥယျာဉ်တွေ ဖြစ်မလဲ ဆိုတာကို စောင့်မျှော်နေကြပါနော်။

#korea #amusementpark #themepark #fun #activities #korea #myanmar #visit #travel #airticket #myangoal

Latest