ဘူဆန်မြို့ရဲ့ indoor activities

—

by

Milo Kevin
in

တချို့လူတွေက အအေးဒဏ်ကို အရမ်းကြီးမခံနိုင်တာ‌ကြောင့် အပြင်မှာ အကြာကြီးလျှောက်မလည်နိုင်တာရင်လဲ စိတ်မပူပါနဲ့။ ဘူဆန်မှာ outdoor activities တွေ လုပ်ပြီးလို့ အေးမြတဲ့ ရာသီဥတုကနေ နွေးနွေးထွေးထွေးလေး အပန်းဖြေအနားယူပြီး လည်ပတ်ချင်သူတွေအတွက် ကျွန်တော်တို့ MyanGoal – Travel ကနေပြီးတော့ indoor activities တွေကိုလဲ ပြောပြပေးလိုက်ပါတယ်။


Busan ရဲ့ ငါးပြတိုက်မှာကတော့ ပင်လယ်ရေနေ သတ္တဝါမျိုးစုံရဲ့ ဂေဟစနစ်ကိုလဲ လေ့လာခံစားနိုင်မှာဘဲ ဖြစ်ပါတယ်။ Sea Life Aquarium မှာ ပင်ဂွင်းတွေကို ကျွေးမွေးခြင်း၊ ငါးမန်းတွေနဲ့ တခြားငါးမျိုးစုံကို ကြည့်ရှုနိုင်တဲ့အပြင် ပင်လယ်ရေညှိတွေကိုလဲ ပြသထားပါတယ်။ ဒီပြတိုက်ကတော့ Haeundae ကမ်းခြေမှာတည်ရှိပြီး Aquarium ရဲ့ဖွဲ့စည်းပုံကလဲ ပင်လယ်ထဲ ရောက်သွားသလို ခံစားရစေမှာဘဲဖြစ်ပါတယ်။ Mermaid Princess ဇာတ်လမ်းနဲ့ ရေအောက် virtual reality အပါအဝင် ရှိုးအမျိုးမျိုးကိုလဲ ကလေးအတွက် ပြသ‌လေ့ရှိပါတယ်။


Shinsegae Centum City ကလဲ စျေးဝယ်ရာတာ ကြိုက်တဲ့သူတွေအတွက် နေရာကောင်းတစ်ခုဖြစ်ပါတယ်။ 2009 ခုနှစ်မှာ တည်ဆောက်ခဲ့တာဖြစ်ပြီး ဧရိယာ စတုရန်းရန်းပေပေါင်း 3.16 သန်း ကျယ်ဝန်းတဲ့ ဒီစတိုးဆိုင်ဟာ ဂင်းနစ်ကမ္ဘာ့စံချိန်လဲ တင်ခဲ့ပါသေးတယ်။ ကျယ်ဝန်းတဲ့ ခန်းမတွေအတွင်းမှာ စိတ်လှုပ်ရှားဖွယ်ရာ အားလပ်ရက် အပြင်အဆင်တွေနဲ့ ဆောင်းရာသီ activities မျိုးစုံရှိပါတယ်။ ဒါ့အပြင် ဆောင်းရာသီကို ပျော်ပျော်ရွှင်ရွှင်နဲ့ အေးဆေးလုံခြုံစွာ ဖြတ်သန်းနိုင်မယ့် မိုးလုံလေလုံရေခဲကွင်းတစ်ခုလဲ ရှိပါတယ်။ စကိတ်ကွင်းကတော့ လူပေါင်း 500 လောက်အထိ ဆန့်ပြီး ပျော်ရွှင်စရာ ဆောင်းရာသီ အတွေ့အကြုံတစ်ခုကို ရရှိစေမှာပါ။ အစားအသောက်အတွက်ဆိုလဲ ကိုရီးယားအစားအစာ မျိုးစုံရှိတဲ့အပြင် တခြား အရသာရှိတဲ့ စားသောက်ဖွယ်ရာတွေကို မြည်းစမ်းနိုင်ပါသေးတယ်။ ဒီစတိုး အပေါ်ဆုံးထပ်မှာဆိုရင် ကမ္ဘာကျော်ရုပ်ရှင်ရုံတစ်ခုလည်းရှိပြီး BIFF (Busan International Film Festival) ပွဲတွေကိုလဲ မကြာခဏကျင်းပလေ့ရှိပါတယ်။


ကိုရီးယားရိုးရာ jjimjilbang ချွေးထုတ်ခန်းကို ခံစားလိုက်ပါ။
ဆောင်းရာသီဆိုရင်တော့ jjimjilbang (찜질방၊ Korean ချွေးထုတ်ခန်း) နေရာအနှံ့ လည်ပတ်ပြီးသွားရင် နွေးနွေးထွေးထွေးနဲ့ အနားယူနိုင်မယ့် အကောင်းဆုံးနေရာဖြစ်ပါတယ်။ Shinsegae Centum City မှာရှိတဲ့ Spa Land အပါအဝင် ကိုရီးယားက အကောင်းဆုံး ချွေးထုတ်ခန်းတွေဟာ ဘူဆန်မှာရှိပါတယ်။ ဒီ Spa Land မှာ ရေပူရေချိုးတာ၊ အပူထုတ်ပေးတဲ့ ကြမ်းပြင်တွေနဲ့ သက်တောင့်သက်သာ အနားယူလို့ရမယ့် နေရာတွေရှိတာကြောင့် အအေးဒဏ်တွေကနေ ခေတ္တခဏအနားယူပြီး စတိုင်လ်ကျကျ ဖြတ်သန်းကြည့်လိုက်ပါ။ ချွေးထုတ်ခန်းအတွင်းက ရေတွေကလဲ မြေအောက် ပေ ၁၀၀၀ ကနေ စုပ်ယူထားတဲ့ သဘာဝအတိုင်း စိမ့်စမ်းရေတွေ ဖြစ်ပါတယ်။ မတူညီတဲ့ ရေကူးကန်တွေအပြင် finnish style ချွေးပေါင်းအိမ်နဲ့ ရေနွေးငွေ့ခန်းလည်း ရှိပါတယ်။ ချွေးထုတ်ခန်း အပြင်ဘက်မှာဆိုလဲ စုံတွဲ‌တွေ၊ သူငယ်ချင်းတွေနဲ့ မိသားစုတွေ အားလုံးအတွက် ကိုရီးယားရိုးရာအပူပေးစနစ် (온돌၊ Korean အပူပေးစနစ်) ကိုလဲ အတူတကွ ခံစားနိုင်ပါတယ်။ အပူချိန်အမျိုးမျိုးရှိတဲ့ Sauna စတိုင်အခန်း  အခန်း ၁၃ ခန်းရှိတဲ့ထဲ တစ်ခုဆီမှာလဲ ထူးခြားတဲ့ ကိုယ်ပိုင်အပြင်အဆင်တွေ ရှိပါတယ်။ အနှိပ်ခုံတွေ၊ ရေပူစမ်း‌တွေ၊ spa တွေ၊ စားသောက်ဆိုင်တွေလဲ အစုံအလင် ရှိပါသေးတယ်။

Latest