part 2 – Best Things to Do with Kids in Busan

—

by

Milo Kevin
in
အရင်ရက်က ကိုရီးယားနိုင်ငံ ဘူဆန်မြို့ကို ခရီးထွက်တဲ့အခါ ကလေးတွေနဲ့ အတူ သွားရောက် လည်ပတ်ကြည့်သင့်တဲ့ နေရာ ၈ နေရာထဲက ကိုရီးယား အမျိုးသား ရေကြောင်းပြတိုက်၊ ဘူဆန်အမျိုးသားသိပ္ပံပြတိုက်၊ Beomeosa (ဗိမာန်တော်)၊ ဘူဆန်အရုပ်ပြတိုက်တို့ကို ပြောပြခဲ့ပါတယ်။ ဒီနေ့မှာတော့ ကျွန်တော်တို့ MyanGoal-Travel ကနေ ကျန်နေသေးတဲ့ Busan Citizens Park၊ LetsRun Park Busan-Gyeongnam၊ LG သိပ္ပံခန်းမ၊ Busan Cinema Center အကြောင်းတွေကို ထပ်မံ တင်ဆက်ပေးလိုက်ပါတယ်။

5. Busan Citizens Park
Busan Central Park လို့လဲခေါ်တဲ့ Busan Citizens Park ရဲ့ မြက်ခင်းပြင် ဧရိယာဟာ ဘောလုံးကွင်း 6 ကွင်းခန့်လောက် ရှိပါ။ ကြေးမုံရေကန်နှင့် ရေတံခွန်အတုအနီး တောင်ဘက်ခြမ်းမှာရှိတဲ့ ရေကန်နဲ့ အနောက်ဘက်ခြမ်းရှိတဲ့ လူလုပ် ရေတံခွန်နားတဝိုက်မှာ ပျော်ပွဲစားထွက်ချင်ရင်လဲ အဆင်ပြေပါတယ်။ ဂျပန်တွေ ကိုရီးယားကို သိမ်းထားစဥ် ကာလမှာ အမေရိကန်တပ်တွေဟာ ဒီနေရာမှာ တပ်စွဲထားခဲ့တာကြောင့် သမိုင်းဝင် ဖြစ်စဥ်တွေကိုပါ စူးစမ်းလေ့လာနိုင် ပါတယ်။

တည်နေရာ- 195-1 Yeonji-dong၊ Busanjin-gu၊ Busan၊ တောင်ကိုရီးယား
ဖွင့်ချိန်- နေ့စဉ် နံနက် ၅ နာရီမှ သန်းခေါင်အထိ

6. LetsRun Park Busan-Gyeongnam
LetsRun ပန်းခြံမှာတော့ စနေ၊ တနင်္ဂနွေ ပိတ်ရက်တိုင်း မြင်းစီးပြိုင်ပွဲ ပြုလုပ်လေ့ရှိပြီး အသက် ၆ နှစ်နဲ့အထက် ကလေးတွေအနေနဲ့ မြင်းစီးကြည့်လို့ ရပါတယ်။ ဒါ့အပြင် မြင်းတွေကို အစားကျွေးချင်ရင်လဲ ရတဲ့အပြင် Toma Village နဲ့ စွတ်ဖားလှည်း ဆွဲခြင်းတို့တွေပါ ကလေးတွေအတွက် ပြုလုပ်ထားပါတယ်။ ပျော်ပွဲစားထွက်ဖို့လဲ အဆင်ပြေတာကြောင့် မိသားစုတွေအနေနဲ့ ‌အေးဆေးအနားယူနိုင်ပါတယ်။

တည်နေရာ- LetsRun Park Busan-Gyeongnam၊ 929 Garak-daero၊ Gangseo-gu၊ Busan၊
ဖွင့်ချိန်- နေ့စဉ် နံနက် ၅ နာရီမှ ည ၈ နာရီအထိ

7. LG သိပ္ပံခန်းမ
LG Science Hall ကတော့ အုပ်စုလိုက် လေ့လာခရီးစဉ်တွေအတွက်သာ ဖွင့်ထားပေမယ့် ကျောင်းအားလပ်ချိန်တွေမှာ ကြိုတင် စာရင်းသွင်းထားပြီးတော့ အခမဲ့ ကြည့်ရှုနိုင်ပါတယ်။ ကလေးတွေအနေနဲ့ နယ်ပယ်အသီးသီးက ခေတ်မီနည်းပညာတွေကို တွေ့ကြုံခံစားနိုင်တာကြောင့် LG Science Hall ဟာ ပညာရေးဆိုင်ရာ လေ့လာစရာ နေရာတစ်ခု ဖြစ်လာပါတယ်။ သင့်ရန် အာမခံထားသောကြောင့် ကြိုတင်စာရင်းသွင်းရတာ 2 ပတ်ကြာစောင့်ဆိုင်းရပေမယ့် ကလေးတွေ စိတ်ကျေနပ်မှု ရရှိမှာ အမှန်ဘဲ ဖြစ်ပါ။

တည်နေရာ- 165 Saessak-ro၊ Busanjin-gu၊ Busan၊ တောင်ကိုရီးယား
ဖွင့်ချိန်- တနင်္လာ-သောကြာ နံနက် ၉ နာရီမှ ညနေ ၆ နာရီ၊ စနေနေ့ နံနက် ၉ နာရီ မှ ညနေ ၅ နာရီအထိ (စနေ၊ တနင်္ဂနွေပိတ်သည်)

8. Busan Cinema Center
Busan Cinema Center ကို လည်ပတ်ပြီးတော့ ကလေးတွေနဲ့အတူ ထူးခြားတဲ့ အဆောက်အဦတွေ၊ ရုပ်ရှင်နဲ့ပတ်သက်တဲ့ ပန်းပုတွေကိုလဲ ကြည့်ရှုနိုင်ပါတယ်။ ကလေးတွေ အနေနဲ့ အဆောက်အဦရှေ့မှာရှိတဲ့ ရင်ပြင်မှာလဲ လွတ်လပ်စွာ ပြေးလွှား ဆော့ကစားနိုင်ပါတယ်။ Busan Cinema Center ဟာ Busan International Film Festival (BIFF) ကျင်းပရာ နေရာဖြစ်ပြီး အထူးရုပ်ရှင်ပြသမှုတွေ၊ ဖျော်ဖြေပွဲတွေနဲ့ ပြပွဲတွေကို လက်ခံကျင်းပတဲ့ ယဉ်ကျေးမှုနေရာတစ်ခု ဖြစ်ပါတယ်။ ထိုင်ခုံ 4,000 နီးပါးရှိတဲ့ BIFF ပြဇာတ်ရုံ၊ Cinema I၊ Cinema II၊ Cinematheque၊ Haneulyeon ပြဇာတ်ရုံ၊ Indieplus နဲ့ Library တို့ပါရှိပါတယ်။

တည်နေရာ- Busan Cinema Center၊ 120 Suyeonggangbyeon-daero၊ Haeundae-gu၊ Busan၊

#kids #Myanmar #visit #AirTicket #myangoal #korea #travel #activities #busan #thingstodo

Latest