iOS 27 ရဲ့ Camera App ထဲမှာ Visual Intelligence သုံးနည်း

Apple က အခုထွက်ရှိထားတဲ့ iOS 27 ရဲ့ Camera App ထဲမှာ ပြင်ဆင်ပြောင်းလဲမှုအချို့နဲ့အတူ Siri Mode ဆိုတဲ့ Mode အသစ်တစ်ခုကိုပါ ထည့်သွင်းပေးထားပါတယ်။

ဒီ Siri Mode ကို Camera App ထဲက Video၊ Photo စတဲ့ Mode တွေလိုပဲ အောက်ခြေက Mode Carousel လေးကို ဘေးဘက်ဆွဲပြီး အလွယ်တကူ ပြောင်းသုံးလို့ရပါတယ်။

ဒီ Mode အသစ်မှာ Visual Intelligence ကို အသုံးပြုထားတာမို့ ကင်မရာမှန်ဘီလူးထဲ ပေါ်နေတဲ့ အရာဝတ္ထုတွေကို အလိုအလျောက် ခွဲခြားသိမြင်နိုင်ပြီး လိုအပ်တဲ့ အချက်အလက်တွေကို ရှာဖွေပြသပေးမှာပါ။ ဥပမာ – အပင်တွေ၊ သတ္တဝါတွေနဲ့ အစားအသောက်တွေကို မှတ်မိသိရှိနိုင်ပြီး အစားအသောက်ဆိုရင် ဘာအစားအသောက်လဲ၊ ကယ်လိုရီ ဘယ်လောက်ပါလဲဆိုတာမျိုးအထိ ပြောပြပေးနိုင်ပါတယ်။

ဒါတင်မကသေးဘဲ ပွဲလမ်းသဘောတူ ကြော်ငြာရိုက်ထားတဲ့ Flyer တွေကို ဓာတ်ပုံရိုက်ပြီး Calendar App ထဲ ရက်စွဲချက်ချင်း ထည့်တာ၊ စာသားတွေ ဘာသာပြန်တာ၊ ဘေလ်ခွဲတာစတဲ့ အခြား ကိစ္စတွေမှာလည်း သုံးလို့ရပါသေးတယ်။

Siri Mode ထဲမှာဆိုရင် ညာဘက်က ခလုတ်လေးကို နှိပ်ပြီး Google Images မှာ တိုက်ရိုက် ရှာနိုင်သလို၊ ဘယ်ဘက်က ခလုတ်ကို နှိပ်ပြီးတော့လည်း သီးသန့် မေးခွန်းတွေ မေးလို့ရပါတယ်။ ဥပမာ – ကင်မရာထဲ ပေါ်နေတဲ့ အစားအသောက်ကို ဘယ်လိုချက်ရမလဲဆိုတာမျိုး မေးမြန်း အကူအညီတောင်းနိုင်တာပါ။

ဒါ့အပြင် Apple က ကင်မရာရဲ့ အသုံးပြုပုံ interface ကိုလည်း အနည်းငယ် ပြင်ဆင်ထားပါသေးတယ်။ Flash၊ Live Photo နဲ့ Night mode တို့လို အသုံးများတဲ့ Quick access tools တွေကို မျက်နှာပြင် အပေါ်ဘက် အလယ်တည့်တည့်ကို ရွှေ့ပေးထားပြီး၊ Tool အပြည့်အစုံကိုတော့ အရင်လို အပေါ်ညာဘက်ကမဟုတ်ဘဲ အောက်ခြေ ညာဘက်ကနေ ဝင်ကြည့်ရမှာပါ။ အပေါ်ဘက်မှာ ပေါ်ချင်တဲ့ Control တွေကိုလည်း ကိုယ်တိုင် စိတ်ကြိုက် ပြင်ဆင်ထားလို့ရပါတယ်။

Apple က iOS 27 ကို စက်တင်ဘာ ၁၈ ရက်နေ့မှာ ထွက်ရှိမယ့် iPhone 18 Pro မော်ဒယ်သစ်တွေ မတိုင်မီ စက်တင်ဘာ ၁၄ ရက်နေ့ကတည်းက ထောက်ပံ့ပေးထားတဲ့ iPhone တွေမှာ ဒေါင်းလုဒ်ဆွဲ အသုံးပြုနိုင်အောင် စတင် ဖြန့်ချိပေးခဲ့တာဖြစ်ပါတယ်။