ဒီနှစ်မှာ iPhone Duo ဝယ်ရတာ တော်တော်လေး ခက်ခဲနိုင်တယ်လို့ Analyst တစ်ယောက်က ခန့်မှန်း
iPhone 18 Pro နဲ့ iPhone 18 Pro Max တို့ရဲ့ Pre-order နဲ့ ပတ်သက်ပြီး သူ့ရဲ့ အစောပိုင်း သုံးသပ်ချက်ပြီးတဲ့နောက်မှာတော့ Analyst Jeff Pu က အသစ်ထွက်လာမယ့် iPhone Duo အကြောင်း Prediction အသစ်တစ်ခု ထပ်ပေးလိုက်ပါတယ်။
အဓိကကတော့ ဒီနှစ်ကုန်အထိ iPhone Duo ရရှိနိုင်မှု ပမာဏဟာ အရင် မှန်းထားတာထက် ပိုနည်းသွားနိုင်တယ်လို့ ဆိုပါတယ်။
Jeff Pu ရဲ့ အခု ခန့်မှန်းချက်အရ ၂၀၂၆ ခုနှစ်အတွင်း iPhone Duo ကို အရေအတွက် ၆ သန်းပဲ ထုတ်လုပ်နိုင်တော့မှာဖြစ်ပြီး၊ ဒါဟာ အရင် ခန့်မှန်းထားတဲ့ ရန်း ရသန်းထက် လျော့ကျသွားတာပါ။
ဒါဟာ Demand မရှိလို့ မဟုတ်ဘဲ Phone ရဲ့ Hinge (ခေါက်ပတ္တာ) ထုတ်လုပ်မှုပိုင်းဆိုင်ရာ အခက်အခဲတွေကြောင့်ဖြစ်ပါတယ်။ ဒီ Hinge အစိတ်အပိုင်းဟာ ပြုလုပ်ရတာ အရမ်း ရှုပ်ထွေးတဲ့အတွက် Production နှေးကွေးနိုင်တယ်လို့ မကြာခဏ ကြားခဲ့ရဖူးပြီး၊ အခုကလည်း အဲဒီအချက်ကို ထပ်ပြီး အတည်ပြုပေးလိုက်တာပဲ ဖြစ်ပါတယ်။
ဒီ ၆ သန်းဆိုတဲ့ အရေအတွက်ကို ပိုရှင်းအောင် ယှဉ်ကြည့်ရရင် Jeff Pu ရဲ့ ခန့်မှန်းချက်အရ Apple ဟာ ဒီနှစ်ကုန်မှာ iPhone 18 Pro နဲ့ iPhone 18 Pro Max စုစုပေါင်း ရောင်းအားကို ၇၂ သန်းအထိ ရောင်းရမယ်လို့ ခန့်မှန်းထားပါတယ်။ ဒါကို ကြည့်ခြင်းအားဖြင့် တကယ်လို့ သင်သာ ဒီနှစ်ထဲမှာ iPhone Duo ကို အဓိက ဝယ်ချင်တယ်ဆိုရင်တော့ အောက်တိုဘာ ၁၆ ရက်နေ့ Apple က Pre-order စတင်လက်ခံတာနဲ့ တစ်ပြိုင်နက် ချက်ချင်း ဝယ်ထားဖို့ လိုပါလိမ့်မယ်။
