Chuseok (추석) ကို ကိုရီးယားလူမျိုးတွေ ဘယ်လိုပျော်ရွှင်စွာ ကျင်းပကြလဲ! 🌕🍐

Chuseok (추석) ဟာ ကိုရီးယားရဲ့ အကြီးဆုံး ကောက်ရိတ်သိမ်းပွဲတော် ဖြစ်ပြီး မိသားစု၊ ကျေးဇူးတင်စိတ်နဲ့ အရသာရှိတဲ့ အစားအစာတွေနဲ့ ပြည့်နှက်နေတဲ့ အချိန်ဖြစ်ပါတယ်။! 🥮✨ ကိုရီးယား ကျေးဇူးတင်နေ့ လို့လည်း ခေါ်ကြပြီး ဒီသုံးရက်တာ ပွဲတော်မှာ ရိုးရာဓလေ့တွေ၊ စားသောက်ပွဲတွေနဲ့ ပျော်စရာတွေ ပါဝင်ပါတယ်။ ဒါကြောင့် ကိုရီးယားလူမျိုး မဟုတ်ရင်တောင် ဒီလိုမျိုး အားလပ်ရက်ကို ဘယ်လိုဖြတ်သန်းကြမလဲ။!  

🌾 ၁။ မိသားစု စည်းဝေးခြင်းနဲ့ ဘိုးဘွားတွေအား ရှိခိုးခြင်း (차례 & 성묘)  

Chuseok (추석) ဟာ မိသားစုနဲ့အတူ ကုန်ဆုံးရတဲ့ အချိန်ပါ! ကိုရီးယားလူမျိုး အများစုဟာ မိသားစုနဲ့ အတူရှိဖို့ ကျေးလက်ဒေသကို ပြန်ကြပြီး Charye (차례) လို့ခေါ်တဲ့ ရိုးရာကန်တော့တာတွေကို ပြုလုပ်ကြပါတယ်။ မိသားစုဝင်တွေဟာ အစားအစာတွေကို ပြင်ဆင်ပြီး ဘိုးဘွားတွေကို ဦးညွှတ်ကာ အတိတ်ကာလ အကြောင်းတွေကို မျှဝေကြပါတယ်။ နောက်ထပ် ဓလေ့တစ်ခုကတော့ Seongmyo (성묘) ဖြစ်ပြီး မိသားစုသင်္ချိုင်းတွေကို သွားရောက်ကာ သန့်ရှင်းရေးလုပ်ပြီး ဂါရဝပြုကြပါတယ်။

💡 *အကြံ:* မိသားစုနဲ့ဝေးနေရင် ဗီဒီယိုခေါ်ဆိုတာ(သို့) ရိုးရှင်းတဲ့ ပူဇော်စားပွဲကျင်းပတာမျိုး လုပ်နိုင်ပါတယ်!

🍡 ၂။ Chuseok (추석) အစားအစာများကို ချက်ပြုတ်ပြီး မျှဝေစားသောက်ပါ 

ချူဆော့မှာ အစားအသောက်ပွဲတော်ကတော့ မပါရင် မပြည့်စုံပါဘူး! ဒီလို မဖြစ်မနေစားရမယ့် အစားအစာတွေရှိပါတယ်။

– Songpyeon (송편) 🥟 – ကောက်ညှင်းနဲ့ လုပ်ထားတဲ့ ရောင်စုံမုန့်လုံးလေးတွေပါ! နှမ်းနဲ့ (သို့) ပဲအချိုလေးတွေနဲ့ ဖြည့်ထားပြီး ထင်းရှူးရွက်ပေါ်မှာ ပေါင်းထားတာပါ။

– Jeon (전)🍳 – ဟင်းသီးဟင်းရွက်၊ အသား (သို့) ပင်လယ်စာတွေနဲ့ လုပ်ထားတဲ့ ကိုရီးယားပန်ကိတ်။

– Galbi-jjim (갈비찜) 🥩 – နူးညံ့ပြီး အရသာရှိတဲ့ နံရိုးကြော် ဖြစ်ပါတယ်!

– Hangwa (한과) 🍯 – ကိုရီးယားရိုးရာ သကြားလုံးတွေ ဖြစ်ပါတယ်။ အလှဆင်ထားတာကလည်း လှပါတယ်။

👩‍🍳 *ပျော်ရွှင်စရာ အကြံပြုချက်:* Chuseok (추석) potluck ပွဲလုပ်ပြီး မိတ်ဆွေတွေနဲ့အတူ Songpyeon လုပ်စားကြည့်ပါ!  

🎎 ၃။ ကိုရီးယားရိုးရာဂိမ်းများ ကစားပါ

အစာစားပြီးရင် ပျော်စရာဂိမ်းတွေ* ကစားကြရအောင်!

– Ssireum (씨름)🤼 – ကိုရီးယားနပန်း! နောက်ဆုံးကျန်ပြီး နိုင်တဲ့သူကို ဟိုးအရင်တုန်းက နွားတစ်ကောင်ကို ဆုအဖြစ် (ဒီနောက်ပိုင်းမှာတော့ ငွေသားဆုချပါတယ်) ရပါတယ်။

– Ganggangsullae (강강술래) 💃 – လပြည့်ညမှာ ကွင်းပတ်လည်ပြီး ကတဲ့ ရိုးရာအကဖြစ်ပါတယ်။

– Yut Nori (윷놀이)🎲 – တုတ်ချောင်းလေးတွေနဲ့ ကစားရတဲ့ ရိုးရာဂိမ်း၊ မိသားစုနဲ့ ကစားရင်လည်း အတော်လေး ပျော်စရာကောင်းပါတယ်။

🎁 ၄။ လက်ဆောင်များ ဖလှယ်ပါ (선물)

Chuseok (추석) မှာ **လက်ဆောင်ပေးတာ** ဓလေ့တစ်ခုပါ! လူကြိုက်များတဲ့ လက်ဆောင်တွေကတော့:  

– Spam set🥫 (ဟုတ်ပါတယ်! ကိုရီးယားမှာ ဒါက ဇိမ်ခံပစ္စည်းတစ်ခု ဖြစ်ပါတယ်)။  

– သစ်သီးအစုံ (သို့) ကိုရီးယားသစ်တော်သီး� (ကိုရီးယားသစ်တော်သီးကို တော်တော်လေး နှစ်သက်ကြပါတယ်)။  

– ပျားရည်၊ ဂျင်ဆင်း၊ အထူးကျန်းမာရေး ထုတ်ကုန်များ🍯  

💝 *အကြံပြုချက်:* နိုင်ငံခြားမှာဆို ကိုရီးယားရေစာမုန့် (သို့) ကိုယ်တိုင်လုပ်လက်ဆောင်လေးတွေ ပေးနိုင်ပါတယ်!  

 🌕 ၅။ လပြည့်ညကို ခံစားပြီး ဆုတောင်းပါ 

Chuseok (추석) ကို “Hangawi” (한가위) လို့လည်းခေါ်ပြီး “ဆောင်းဦးရဲ့ အလှပဆုံး လပြည့်ည” လို့ အဓိပ္ပာယ်ရပါတယ်။ ဒီနှစ်ရဲ့ အလင်းအပြည့်ဆုံး လပြည့်ညကိုကြည့်ပြီး ကံကောင်းခြင်းအတွက် ဆုတောင်းကြည့်ပါ။

✨ Bonus: ခေတ်ပေါ်ချူဆော့ကျင်းပပုံများ

– အွန်လိုင်း Chuseok (추석) ပါတီ🎉 (မိသားစုနဲ့ဝေးနေသူများအတွက်)  

– K-drama နဲ့ ရုပ်ရှင်ကြည့်ခြင်း 📺 (*”Reply 1988″ကြည့်ပြီး မိသားစုသံယောဇဉ်ကို ပြန်လည်ခံစားကြည့်ပါ)  

– Hanbok (한복) နဲ့ ဓာတ်ပုံရိုက်ခြင်း 📸 – ကိုရီးယားရိုးရာ ဝတ်စုံဝတ်ပြီး ဓာတ်ပုံရိုက်ကြည့်ပါ!  

ကိုရီးယားမှာ ဖြစ်ဖြစ်၊ နိုင်ငံခြားမှာ ဖြစ်ဖြစ်၊ Chuseok (추석) ဟာ ကျေးဇူးတင်စိတ်၊ ရိုးရာနဲ့ မိသားစုစည်းလုံးမှုကို ခံစားရတဲ့ အချိန်ကောင်းတစ်ခု ဖြစ်ပါတယ်။🧡  

추석 잘 보내세요! (ချူဆော့မှာ ပျော်ရွှင်ပါစေ!)🎊🌾

#Korea #traditional #festival #Chuseok #October