Sleeping Mask ဆိုတာဘာလဲ ? Night Cream နဲ့ ဘာတွေကွာခြားလဲ ?

—

by

Milo Kevin
in
အသားအရေထိန်းသိမ်းမှုကို ပုံမှန်လုပ်ဆောင်ရကြတဲ့အခါ Day Cream တွေ၊ Night cream တွေကို အသုံးပြုသလိုဘဲ Sleeping Mask ကိုလဲ မပါမဖြစ် အသုံးပြုကြပါတယ်။

ဒါပေမယ့် Sleeping Mask ဆိုတာ ဘာလဲ၊ ဘာအတွက်အသုံးပြုကြလဲ ? Day Cream တွေ၊ Night cream တွေလို နေ့တိုင်းသုံးလို့ရော ကောင်းလား ? ဆိုတာကို သိကြပြီးတဲ့သူတွေ ရှိသလို မသိသေးကြတဲ့ သူတွေအတွက် ဒီနေ့မှာတောာ့ ကျွန်တော်တို့ MyanGoal ကနေပြီးတော့ တင်ဆက်ပေးလိုက်ပါတယ်။

Sleeping Mask က အသားအရေထိန်းသိမ်းဖို့အတွက် ဘာတွေလုပ်ဆောင်ပေးလဲ။
ဒီ mask ဟာလဲ ညဘက်မှာ အသားအရေထိန်းသိမ်းမှုတွေအတွက် မပါမဖြစ် ပစ္စည်းတစ်ခု ဖြစ်ပါတယ်။
အိပ်ရာမဝင်ခင် အသားအရေကို နက်ရှိုင်းစွာ ရေဓာတ်ဖြည့်တင်းပေးနိုင်ပြီး သဘာဝအတိုင်း အ‌ရေပြားကို ပြန်လည်ပြုပြင်တဲ့ လုပ်ငန်းစဉ်တွေမှာ ကောင်းမွန်စွာ ပံ့ပိုးပေးပါတယ်။ ဒါကြောင့် မနက် အိပ်ရာနိုးလာတဲ့ အချိန်မှာတော့ လန်းဆန်းပြီး တောက်ပတဲ့ အသွင်အပြင်ရရှိနိုင်မှာပါ။

Night Cream နဲ့ Sleeping Mask ကွာခြားချက်က ဘာလဲ။
Night Cream နဲ့ Sleep Mask နှစ်မျိုးလုံးဟာ ညအချိန်မှာ အသားအရေကို ပြန်လည်ကျန်းမာလာစေတဲ့ ထုတ်ကုန်တွေဘဲ ဖြစ်ပါတယ်။ ဒါပေမဲ့ ဒီနှစ်ခုမှာ အဓိကကွာခြားချက်ကတော့ သူတို့မှာပါဝင်တဲ့ ဖော်မြူလာနဲ့ ထိရောက်မှုဘဲ ဖြစ်ပါတယ်။

Night Cream တွေဟာ ညစဉ်ပုံမှန်အသုံးပြုဖို့ ဒီဇိုင်းထုတ်ထားတာဖြစ်ပြီး အသားအရေထိန်းသိမ်းမှုတွေ လုပ်တဲ့အခါမှာ တစိတ်တပိုင်းအနေနဲ့ မရှိမဖြစ်လိုအပ်တဲ့ ရေဓာတ် ဖြည့်ပေးတဲ့ ပစ္စည်းဖြစ်ပါတယ်။ Sleeping Mask မှာတော့ အသားအရေအတွက် အရေးကြီးတဲ့ ပါဝင်ပစ္စည်းတွေကို အသုံးပြုပြီး အိပ်ပျော်နေတဲ့အချိန်မှာ အသားအရေကို ပြန်လည်နုပျိုလာစေဖို့ အဓိကထား လုပ်ဆောင်ပေးပါတယ်။ ဒါကြောင့် အမြဲတမ်း အသုံးပြုတာထက် တစ်ပတ်ကို ၂ ကြိမ်လောက်က အကောင်းဆုံးဖြစ်ပါတယ်။

Night Cream နဲ့ Sleeping Mask ကို တွဲသုံးလို့ရပါသလား။
အဖြေကတော့ Yes ပါ။ ဒီအသားအရေ ထိန်းသိမ်းတဲ့ ပစ္စည်းတွေကို ညအချိန် ပုံမှန်အသုံးပြုခြင်းဟာ ကိုယ့်ရဲ့ အသားအရေကို အံ့ဩစရာရလဒ်တွေ ရရှိနိုင်ပါတယ်။ အရင်ဆုံး အသားအရေအတွက် လိုအပ်တဲ့ ရေဓာတ်နဲ့ အဟာရဓာတ်တွေကို ဖြည့်ဆည်းပေးဖို့အတွက် Night Cream ကို လိမ်းလိုက်ပါ။

ပြီးရင်တော့ အသားအရေ ထိန်းသိမ်းမှုအတွက် Sleeping Mask ကို နောက်ထပ် ကုသမှုအလွှာတစ်ခုအနေနဲ့ အသုံးပြုပါ။ ဒီလို skin routine ကို ပုံမှန် အသုံးပြုခြင်းဟာ ကိုယ့်ရဲ့ အသားအရေကို မနက်ခင်းမှာ ကြည်လင်တောက်ပစွာ နိုးထလာစေပါတယ်။

#sleepingmask #nightcream #myangoal #shopping #korea #cosmetics #skincare

Comments

Leave a Reply

Latest